Popular Bible Verses from Kejadian 9

શેર કરો

Upepu dingeda, aupu ton dukdongopra pepu. Apepmasen pedina upu, er peten keca tep nengeda, dua kan-kan neitamaida, nimi mi tu ambuka deipnepa, pio dinkamrume. Ada nedi sun cap, uda sun cap kikiman kure gam kun keca yuma cap tep, pepra deipsene. Ukutaru di dipra, amenda doryankamre taru neitamai yumada, apedinmasen upu, pio tek sisi kunkamre. Men tapkamne. Atep konuma, ne nimi mi tu ambuka dua kan-kan konum deipmana tep, akeca eprumyopda, ‘E, Allahdi nun tuai mutu kunup nesala cap, gam kun keca yuma cap tep, pedina peipseu upu, er peten kecada akonuma,’ tenenkamrume.

Atep nimi mi tu ambukada, dua kan-kan katuai belepre taru yumada, nedi tek sisi epkamne. Epnyopda, ne Allahdi, sun tuai mutu kurum gam kun keca yala-yala yuma tep, “Mokon di ton cap men popkamsene,” pepra, pedina pepmasen upuda, pio tenenkamne. Apepmasen upuda, pio men gum kupkamre. Allahdi pepu.

Ware ngebo do yuma utopua, sundi yuk neng tep poptapmengopda, yuk nengdi sun pona deiyo neng, sun wenemna tep poptapkamenge. Angeda tali tep gum dinin, Allah er kuretopu, yambulanun utopu, er kamo utopu kupra, nimi ketekepra deipka tep, nimi podana meme.”

Ataru dinin amendada, Allahdi Nuh cap, erdi deiamu nyapu cap tep, ‘Teleppu kunkameng’ tenen, telep upu pepra deipka deiki di, sun yuma tep telep kweipu. Aupu pepu. Sun yumada, nyapu weik derinkamrume. Weike deipmumpa, dadeipdanen baramenganen, gung weik kupbaramenganen, tuai mutu ban-ban yuma bena kunkamenge.

Ware keca do yuma, gam kuredi embaramre keca yala-yala yumada, sun jen keca tep karepsene. Menop taruda, tuai di paramu keca bo-bo keca yala-yala yuma, sun jena tep kareramsisitopu, ukutaruda, akeca-keca yuma dukdongopra karepsene. Akeca yumada, jena telepe pepsene.

Tuai mutu deiki gam kure keca yala-yala yumada, sun tep karepsene. Tuai mutu gam kure keca yuma cap, im neitamai lakra embaramre ma yala yuma cap, tu deiki yanipra embaramre keca yala yuma cap, laut mokon neitamai kure mekina yala yuma cap, sun nimi tuai nesala tep, kware weik dangkamenge. Sun amutarapu kunkamenge.

Allahdi upepu dingeda, Nuh cap, er nyapsilip cap tep upepu. “Sun yuma tep nengeda, nyakdarumdi, nyapu weik derinkamrume. Tuai mutu neitamai bena kumumdi, gung weik kupbankamrume.” Allahdi pepu.