Popular Bible Verses from ABhaluumi 14

શેર કરો

Ɨnongwa ɨzyɨ wumwɨnɨ ʉwa Ngʉlʉbhɨ saga nongwa zya‑alye awe amwele, lyoli nongwa zya‑abhombe ʉgolosu, abhe nʉ tengaanu na‑alembe hu luseshelo. Ɨgo gonti gabhombeha hu nyaavwo ɨya Mʼpepo ʉMʼfinjile. Ʉmuntu wowonti ʉyo ahumʼmombela ʉKilisiti ɨsho, ahunʼkhondeezya ʉNgʉlʉbhɨ, nantele ahwɨtɨshɨlwa na bhantu.

Nkashele tibha bhʉʉmi, tilemba hu nongwa ya humʼmombele ʉMwɨnɨ ʉYeesu. Nantele nkashele tifwa, tifwa hu mwamu ʉwa Mwɨnɨ ʉYeesu. Ɨshi, nkashele tibha bhʉʉmi awe tifwa, atɨ tibha bhantu bhaakwe.

Ɨshi, tidandamalaje hu habhaazyo honti abhombe ɨvintu ɨvyo vihutisonzya ʉtengaanu nɨ‑ɨvyo vihutaavwa ajinjizanye atɨ tenti mu lwɨtɨho lwetu.

Ɨshi, ɨhwanziwa tileshe alonje abhooziwa abhamwetu, nantele taamule aleshe abhombe hohonti ha hahunʼsonzya ʉmwoziwa ʉwamwetu abʉmɨle awe abhombe ɨmbiibhi.

Nanshi ɨsho ɨsimbwilwe mu Nsimbo ɨMfinjile huje, “Lyoli, ʉMwɨnɨ ʉNgʉlʉbhɨ ayanga huje, ‘Shila muntu ahayisugamila pitagaalila lyanɨ, na‑ayanje pa pazelu huje anɨ nɨ Ngʉlʉbhɨ.’ ” Ɨshi, shila muntu muuhati yeetu, ahayiyanga yʉʉyo ɨnongwa zyakwe pitagaalila lya Ngʉlʉbhɨ.

Mumʼmwambɨɨlɨle ʉmwoziwa ʉwamwenyu ʉyo saga ajinile mu lwɨtɨho. Mugandi adaliihane nawo hu nongwa ɨya‑alegane ɨnsɨɨbho nʉ mwene.

Aawe saga ʉli ni‑ikhone lyolyonti ɨlya‑alonje ʉmʼmomvi ʉwa muntu ʉwɨnjɨ. Ʉmwɨnɨ waakwe ya yʉʉyo amanya nkashele ʉmʼmomvi waakwe ananjile awe saga ananjile. Wope ʉmʼmomvi waakwe ahayibha abhomba nanshi shɨ‑ɨhwanziwa, pɨpo ʉMwɨnɨ ʉYeesu ali ni‑ikhone ɨlya humʼmɨɨshe huje abhe abhomba ɨsho.