Popular Bible Verses from मरकुस 14

શેર કરો

अरह् बुलो, “हे अब्बा, हे बाबा! तुँओं शो तअ सब-कुछ हऐ सको; मेरे साम्णें थुवा अंदा ऐजा बैलुवा आगु करह्, तबे भे मेरी ने परह् तुँवारी हिछ़या पुरी हों।”

सतिखे बीऊँजी रंह्, अरह् प्रार्थना करिया करह्, के तुँवारी परख-अजमाईश ने हों। आत्त्मा तअ तियाँर असो; परह् देह्-शरीर कंम्मजोर असो।”

हाँव तुँओं खे ऐक खास बात बुलू, के बादी संईसारी दे जेथी केथी खुषख्बरी प्रचार हली, तेथै याँरी ईयों काँम-काज़ के चर्चा भे याँरी चिताँव्णी खे हली।”

अरह् प्रभू यीशू ऐ बुलो, मेरा मंन बैजाऐ बैच्यन अरह् ऊदास असो, तिऐं ज़ूगा के मेरे पराँण निकल़्दे लागे, तुँऐं ईथै बईठो अरह् बीऊँजी रंह्।”

भोजन कर्णो खे बऐठियों प्रभू यीशू मसीया ऐ रोटी करियों अरह् धन्यबाद करियों च़ूडी अरह् बाँडदी बई बुलो, “आगू करह्, ऐजी मेरी देह्-शरीर असो।”

तिन्दें पाछी, प्रभू यीशू मसीया ऐ बैलुवा करा, अरह् धन्यबाद करा, अरह् चैले खे दिता, अरह् सभी ऐ तिन्दें शो पीयों। प्रभू यीशू मसीया ऐ तिनखे बुलो, “ऐजो बाय्दे को मेरो सेजो लह्ऊँ असो; जुण्जो भहीते की ताँईऐं बुवाऐ थो।

तिनखे प्रभू यीशू मसीया ऐ बुलो, “तुँऐं बादे झोणें मेरा साथ छुड़ियों हुट्दे, जेष्णों के पबित्र-ग्रन्थों दो लिखी थो: हाँव भैंड़वाल़ा मारी देऊँबा, अरह् भैड़ो को रेऊँड़ खिदर-बिदर हऐ ज़ाली।

बिऊँजो चालो! दे:खो, मेरे थँह्बड़ाणों वाल़ा नंजीक आऐ गुवा।”

प्रभू यीशू मसीया ऐ तेस्खे बुलो, “हाँव ताँव खे खास बात बुलू, के ऐतलो ही रात्ती, तू कुक्ड़े के दू बोई बाँक देणों शा आगे, तू च़ी बई, भाजी ज़ाईदा के हाँव ने जाँण्दे के ऐ कुँण असो।”