Josue 1 માંથી લોકપ્રિય બાઇબલ વચનો

શેર કરો

Dik, kai me phenav chuke te le chuke zor ta te ave tromano. Te na dara, te na jasare chi zor, soke me cho Del, ka avav tuia kaigo ka lla.

Phen suako drom e alava kai si pisime ando lil katar o zakono e Devleko te sai chere prema so si pisime ande lete. Mislisao ollivesea ta orachaia ande so phenel o lil, soke gia ka llal chuke sukar ande sa so ka chere.

Samo le chuke zor te ave but tromano, ta cher sa so phenel o zakono kai mukla chuke mo sluga o Moises. Na duriv letar ni pe chachi ni po stingo te sai llal chuke sukar ande sa so ka chere.

Niko ni ka dobil tut. Ta me ka avav tuia gia sar sema e Moisesea ta nikada ni ka mukav tut korkorre.

Trubul te le chuke zor ta te ave tromano, soke tu ka fulave gale foroke e phuv kai jalem sovel lenge dadenge kai ka dav len.

Gia sar jalem sovel e Moiseseke, me ka dav tumen sa e phuv kai tumen ka ustaven tumare porrnenchar.

O Moises kai saia mo sluga mulo, ta akana tu ta sa o foro katar o Israel morabi te nakhen o pai katar o Jordan te llan ande phuv kai me ka dav tumen.

Mapalal kana mulo o Moises sluga e Devleko, o Del dia orba e Josueea, chavo katar o Nun sluga e Moiseseko, ta phenda leke

Ka dav tumen e phuv kai si katar o pusto ta e burdura. Katar o Libano llik kai o baro pai o Eufrates, sa e phuvia katar e jititura llik kai e mora e bari kote kai perel o kham.

A o lleno kai ni kandela tut ta ni ka cherel so ka phene, te merel. Samo manga te le chuke zor ta te ave tromano.

Llan maskar o pero ta phenen saurrenge te guruven jape, soke trin llive ios ka nakhen o pai katar o Jordan te sai len e phuv kai o Gazda amaro Del ka del amen.