Eksodo 6 માંથી લોકપ્રિય બાઇબલ વચનો

શેર કરો

Goleke lla ta phen e israelenge kai me, tumaro Del, ka ikanav tumen katar o Ejipto, ta katar o baro rado kai thode pe tumende e ejipsiura te cheren pe zor. Ka sikavav mi zor ta ka braduiv tumen bare krisaia.

Ka lav tumen sargo mo foro, ta me ka avav tumaro Del. Gia tumen ka llanen kai me sem o Gazda tumaro Del, kai braduisardem tumen katar o baro rado kai thodea tumen e ejipsiura te cheren pe zor.

Ta ka inllarav tumen ande phuv kai diem mo alav kai ka dav e Abraame, e Isaake ta e Jakobe, ta tumen ka dav gaia phuv. Soke me sem tumaro Del. O Moises phenda sa gala alava e israelenge, a von sea gia chinie katar o rado kai thodea len te cheren pe zor, kai nasti thovena leke sama.

Ondaka o Del phenda e Moiseseke: Akana ka dikhe so ka cherav e Faraonoia, soke samo zoriaia ka mukel tumen te liken katar pi phuv, ta isto vou ka phenel tumenge te llantar.