Eksodo 10 માંથી લોકપ્રિય બાઇબલ વચનો

શેર કરો

O Del phenda e Moiseseke: Lla kai o Faraon, soke me zuriardem leko lio ta e lie e llenenge kai radin leke, te sai sikavav lenge e bare ezgode kai me sai cherav, te sai tu phene che chaurrenge ta che unukonenge e ezgode kai me cherdem ando Ejipto, ta e bare ezgode kai cherdem te dikhon maskar lende. Ta gia tumen ka llanen kai me sem o Del.

Ondaka Del phenda e Moiseseke: Inzar cho va karing o miloso te sai avel ando Ejipto iek truniariko gia baro, kai nasti dikhena ni po nai. O Moises vazdia po va karing o miloso, ta trin llive avilo iek truniariko but baro po Ejipto. Ta ande gola trin llive niko ni dikhla nika, ta niko ni ustilo katar po than, a sa e israelitura saia len villelo ande pe chera.

Ondaka o Moises vazdia pi rovli pe phuv katar o Ejipto, ta o Del anda iek balav katar e rig kai likel o kham kai phurdia po Ejipto sorro llive ta sa goia riat, ta thiarinako rano e balav katar e rig kai likel o kham anda e langoste, ta e langoste die ande sa e phuv katar o Ejipto, pe gachin sea kai nikada ni saia ta ni ka aven pe gachin langoste sargo ande gua llive.