Popular Bible Verses from Matiə 6

શેર કરો

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Ka baran n gɔ́ɔ̃ bii ka biɛ̃ ǹ sii ni pelo wa. Biɛ̃ ǹ dɔ á re die ka a din a gɔ́ɔ̃ bii ǹ siin ni. Lɛawaa din tumaa laanka a nɔmaa nɛ.

Bɛ lɛ na á toa masɛ n pii ka nɛ, ka baran n gɔ́ɔ̃ bii ka dinin too ǹ màn-bii laanka kaa mi ǹ màn sii-n wa. Ka baran n gɔ́ɔ̃ bii ka ka gɔ̀nɔn kũ ǹ mɔnaa sii-n wa. Táa yiikoonaabaa á soɛ màn-bii ni, táa gɔ̀nɔn dɔ á soɛ mɔnaan manɛ?

Bɛ̀ ka tá li ka Lawa nyankɔ, ka wɔ kaa kion, ka kiɛnlɛ tã ka dinin lɛ. Ka Di Lawa mɛn bɛ́ bɛa bǎã durii lɛ nɛ, ka bɛ lɛ nyankɔ walan, bɛ mɛn bɛ́ sii-duriin doɛ̃, a din lɛ n die ka sarɛɛ.

Ka doamaa nɛ ka Lawa nyankɔ kɛnɛn: Wɔ Di mɛn bɛ́ lon, toa n tɔ gole kɔ. Toa n kiibaa daa, n foo sii bɛ́ n zɛnɛɛ lon lɔn ke, toa a n zɛnaa tán dɔn miɛ̃.

Wɔa pelo a màn-bii kɔ wɔ la.

Wɔ zɛ̀rɛn toa wɔ nɛ, ka wɔ dɔn bɛ́ wɔ miãn wɔn toɛ ǹ nɛ lɔn.

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

A giala, bɛ̀ ka tá kaa wɔmalon wolen zɛ̀rɛ toɛ ǹ nɛ, ka Di Lawa á die ka dɔn zɛ̀rɛ toɛ ka nɛ.

Ka ga bàanan kɛn ganaa kiɛ̃ lon. Ǹ ba màn kɔ́n diɛ wa, ǹ ba màn kɔ́n kuri ǹ kaa dɔǹ nɛ wa, sɛnɛ, Díi Lawa nə ǹ toe! Ka a soɛ bàanan manɛ lenlen wa?

Ka baran naforo lɛ sɔkɔn-a ka koa ka dinin manɛ kanaa wa. A giala, nimii laanka soe tá kanaa, ǹ tá basaã koe, wurumunun tá kiɛnlɛ yiɛ bɛ̀ ǹ mànan koã. Ka naforo lɛ sɔkɔn ka koa ka dinin manɛ Lawa a piɛ. A giala, nimii laanka soe ba boe la ǹ basaã kɔ walan wa, wurumunun ba boe la ǹ kiɛnlɛ yiɛ wa, ǹ ba boe la ǹ màn dɔ koã wa. A giala, bɛ̀ n naforo tá koa-n bǎã mɛn nɛ, n taasiɛ dɔ n walan.

Min kɔ́n ba boe la a dí nya mìinaa paa-n wa. Bɛ̀ min bɛ zɛnaa, a n die goon biɛ zɔ́ɔ, a goon narɛ, a n die goon bɔlɔ sii, a goon kɛ puusə kɔ. Ka a boe la ka n dinin kɔ Lawa la, ka n dinin kɔ wɔrɔ dɔ la wa.

Buu mɛn bɛ́ don pelo, minin nə die tɛ koɛ-n biɛ̃, bɛ̀ Lawa tá n yiri koɛ bɛ li á n tamaɛ, sanparɛ ka kasɛn nɛ! Á die n yiri koɛ ka dɔn nɛ a ka dɔn tamaa. Kaa golee Lawa li á kiɛɛrɛ dɛ!

Bɛ̀ ka á doobaan goe ka wɔrɔ nɛ, ka nyan toa ka gɔsɛ a gɔn nə bɔ ka gusin a gɔn a sii zɛnaa siére-a wa. Màn-gɔ n siĩni a goã durii ni. Ka Di Lawa mɛn bɛ́ sii-duriin doɛ̃, bɛ lɛ á die ka sarɛɛ.

Ka bɛ́ Lawa a zii tɔ wɔ ǹ siin mɛnɛn zɛnɛɛ minin yɔrɔ-a, ka tá n dinin nyɛɛ ǹ nɛ, ka n parabaa ka bɛ nɛ. Bɛ̀ ka á zɛnɛɛ miɛ̃, ka a re saraa yii a bɔ kaa Díi Lawa li lon wa.

Bɛ̀ ka n lɛ sɔɔ, ka baran n yɔrɔ kɔsɛ ka gɔ́ɔ̃ tì-an kɛn bɛ́ zɛnɛɛ lɔn wa. Maǹ nə́ n yɔrɔ kɔsɛ, mà min din tumaa dɔ̃ mà ǹsɛn man nə́ n lɛ sɔɔ. Masɛ n pii ka nɛ, sonbore ne, ǹ nə́ ǹ saraa yɛ á nya. Sɛnɛ, nsɛ, bɛ̀ n nə́ n lɛ sɔɔ, n yɔrɔ pii, n nə n mìi wɔraa, màn mɛn bɛ́ toɛ, minin baran dɔ̃ mà n nə́ n lɛ sɔɔ wa. N Di Lawa mɛn bɛ́ bǎã durii ni, bɛ lɛ dinsɔɔ̃ n die doɛ̃. Asɛ mɛn bɛ́ sii-duriin doɛ̃, a din lɛ n die n sarɛɛ.