Popular Bible Verses from লূক 24

શેર કરો

চঅ, মঅ বাপ্পো যিয়েনি দিবার্ এগেম্ গোজ্যে সিয়েনি মুই তমা ইধু পাধেই দিম্। স্বর্গত্তুন্ খেমতা ন-পানা সং তুমি এই শঅরত্ থাক্ক্য।”

তে দঅ ইয়েনত্ নেই; তে জেদা ওই উঠ্যে। তে যেক্কে গালীলোত্ এলঅ সেক্কে তে তমা ইধু যিয়েনি কোইয়্যে সিয়েনি ইদোত্ তুলি চঅ।

সেক্কে তারার্ চোগ্‌কুন খুলি গেলাক্; তারা যীশুরে চিনিলাক্, মাত্তর্ সিয়েনর্ লগে লগে তারে আর দেগা ন-গেলঅ। সেক্কে তারা একজন আরেক জনরে কলাক্, “পধত্ যেক্কে তে আমা সমারে কধা কর্ আর পবিত্র বোইবো বুঝেই দের্ সেক্কে আমা মনান্ কি জুলি জুলি ন-উদের্?”

পবিত্র বোইবো বুঝিবাত্যে তে শিচ্চ্যগুনোরে বুদ্ধি খুলি দিলো আর তারারে কলঅ, “লেগা আঘে, মশীহত্তুন্ দুঘ্ পাহ্ পুরিবো আর তিন দিনোর্ দিন্নোত্ মরণত্তুন্ জেদা ওই উদো পুরিবো। আরঅ লেগা আঘে, যিরূশালেমত্তুন্ ধুরি আরাম্ভ গুরিনে বেক্ জাদ্‌তুনো ইধু মশীহ নাঙে এ হবরান্ প্রচার গরা অবঅ, পাপত্তুন্ মন ফিরেলে পাপর্ ক্ষেমা পাহ্ যায়।

তারা দেগিলাক্ গোরান মুয়োনত্তুন্ পাত্তর্‌‌‌বো সোরেইনে থুয়ো ওইয়্যে, মাত্তর্ গোরান ভিদিরে যেইনে তারা প্রভু যীশুর্ মরা কিয়্যেগান্ ন-দেগিলাক্।