Popular Bible Verses from পত্থম 26

શેર કરો

ইক্কিনে এ দেজত্‌ তুই কয়েক দিনোত্তে বজত্তি গুরিবে। মুই নিজে তঅ সমারে থেইনে তরে বর্ দিম। এ দেজ্‌ছানি মুই তরে আর তঅ বংশর্‌ মানুচ্চুনোরে দিম্‌। ইয়েন বাদে মুই তঅ বাব্‌ অব্রাহাম ইধু যে শমত্তান্‌ গোজ্যং সিয়েনঅ অদে অদে রাগেম্‌।

মুই তঅ বংশর মানুচ্চুনোরে আগাজ তারা ধোক্ক্যেন ভালোক্কুন্‌ গুরিম আর এ দেজ্‌ছানি তারারে দিম্‌। তঅ বংশর ভিদিরেন্দি পিতথিমীর্‌ বেক্‌ জাদ্‌‌‌তুনে বর্ পেবাক্‌, কিত্তে অব্রাহামে মর্‌ বাধ্য থেইনে মর্‌ বেক্‌ দাবিগানি, সুদোমানি আর উগুমানি পালেয়্যে।”

সিয়েন পরেদি ইস্‌হাকে সিয়েনত্তুন্‌ সুরি যেইনে আর এক্কো কূয়ো খুড়িলো। মাত্তর্‌ এবেরা পলেষ্টীয়গুনে সিবেলোই কনঅ কোল্‌-কোজ্যে ন-বাজেলাক। ইস্‌হাকে সে কূয়োবো নাঙান্‌ রাগেল রহোবোৎ (যিয়েনর্ ভেদতান্ “বোউত্‌ জাগা”)। তে কলঅ, “বেগঅ যেরেন্দি লগেপ্রভু আমারে জাগায়ান দিলো যেনে আমি ইয়েনত্ জনেদি বাড়ি উদি পারিই।”

সেক্কে লগেপ্রভু ইস্‌হাকরে দেগা দিইনে কলঅ, “তুই মিসরত্ ন-যেচ্‌। মুই তরে যে দেজচান কধা কোম্‌ সে দেজত্ থেচ্‌।

সেক্কে ইস্‌হাকে সিয়েনত্‌ এক্কো ডালিপূজো বানেল আর লগেপ্রভুরে যগাজ্যে সর্মান দিলো। সিয়েনত্ তে তা তাম্বুলান তাঙেল আর তা চাগরুনে এক্কো কূয়ো খুড়িলাক্‌।