Popular Bible Verses from YAM JAH 32

શેર કરો

Khaix “Ceu kaux maix tak ang lai kok mawh Yakop, tak deeh kok mawh Isarelax, mawh kheu hoik pon blok maix paox tix ka Siyiex mai kawn pui maix hoik pex heue.”

Nawh ah nin, “Kieh aux hu, mawh kheu dex sang riang praix heue.” Viang mawh nan nawh ah nin, “Phan maix ang nyang nawb bwan ka aux, aux tak ang ploi maix hu heue.”

Yakop ot tan nong nong, mai pui tix kaux blok paox tix mai nawh tom dex bah riang praix heue.

Mawh kheu nan Yakop tom kok ceu kaux dee an mawh Penilax, “Mawh kheu aux hoik yaox ka pakngai taw pakngai Siyiex tan mai ju aux kawn pon glawd luan heue.”

Yam hoik yaox kaw an ang ti lai pex ka nawh, nawh tub ka siviang nawh mai siviang Yakop khluk khlaik tau mai yam blok kiex paox tix heue.

Nawh ah nin ka nawh, “Kaux maix patix?” nawh ah nin, “Aux mawh Yakop heue.”

Khaix an Yakop chawk nawh ah nin, “Aux rawg maix krai ceu kaux tix ka aux liak” Nawh ah nin, “Maix chawk ceu kaux Aux jao patix lie?” mai Nawh nawb bwan ka nawh tan heue.

Aux ang doh keung ti pon krax caux rhawm mai pa kaux sijax pa jhi Maix Cao ka kawncau tix ceeix kawx, yam an dix, aux tiang rawm klawng Yawdan mai khaox gix tix mai yam in aux hoik lih ti koe paox pie ra cub heue.

Mawh kheu nan, kawn praix ceu pui Isarelax khankix ang lai ih ka nex siniag ba, pa koe hawt siviang tom in singaix, mawh kheu hoik tub ka siviang Yakop dee koe siniag nawh heue.

Khaix an Yakop rawg bwan ah nin, “O Siyiex keeing aux Abraham mai Siyiex keeing aux Icak, Simiang Siyiex pa hoik ah nin ka aux, deeh ing ka haktiex cao maix, ka doeh ru maix, Aux tak yuh bwanson ka maix heue.”

Aux rawg bwan ka Maix, kieh aux luad luan khaing daux tawm taix puxke tix Esaw liak, mawh kheu lhat aux nawh hoek puing yix, tau mai miex kawn nyawm khankix heue.