Popular Bible Verses from YAM JAH 22

શેર કરો

Abraham kok ceu kaux dee an mawh, “Simiang Siyiex tak sang tawx, ” tom in singaix pui ah mawh “gawng pa hoik cox khre Simiang Siyiex” ka heue.

Nawh Cao ah nin, “Teei kawn simex maix Icak, pa kied moh maix, pa koe tix kaux khaing mai hu ka haktiex Mawrix, yuh krax tan pa gleeing ka ngu son Aux piang gawng pa sang jhi Aux maix yaox heue.”

Nawh cao ah nin, “Maix paw teeh ka kawn maix mai paw yuh tix ceu kawx ka nawh, grawh grawng nawh, yam in Aux hoik tawng lhat maix ka Siyiex mai Aux hoik yaox ang maix thiang pa mhaing Aux kawn simex maix tix kaux son Aux heue.”

Abraham deeh ah nin, “Kawn eue, Siyiex tak tawx kawn yung an, son pa sang gleeing ex ti tan son Nawh Cao heue.” Kiex ra kaux lih hu tau heue.

“Aux nawb bwan ka maix mai Aux tak kieh doeh ru maix nie baox haoh hun awm simuing daux raoma mai awm mhaik pa koe praok rawm sigrit sigra heue. Doeh ru maix khankix kawx, Aux tak kieh kix kwang ka diang siviex pui koeng maix khawmuik heue. Can ceu pui khawmuik piang haktiex in, tak pon bwanson kheu hoik cu nghiet maix ka gumlox Aux heue.”

Khaix hoik luan ceu inkix, Siyiex cheuk cheu ti yaox Abraham ah nin ka nawh, “Abraham eue, ” mai nawh pawk lox, “Aux ot tin heue.”

Yam an, kawncau Simiang Siyiex kok nawh khaing daux raoma ah nin, “Abraham, Abraham” mai nawh deeh pawk lox, “Aux ot tin heue.”

Kawncau Simiang Siyiex deeh kok ka Abraham ra bawg tix bawg. Nawh ah nin, “Aux hoik tiextu ka Tokaux Cao tix, mawh kheu maix hoik yuh ceu inkix mai ang thiang ka kawn tix kaux maix an ka Aux heue.”

Yam hoek kiex ka dee ah Siyiex ka nawh tan, Abraham sum khu dee tan tix mu tan mai deuh khix piang heue, nawh phyawk kawn tix Icak mai deuh nawh piang khix ka khu dee tan heue.