Popular Bible Verses from Marku 14

શેર કરો

Nave álocha, Abba, Atithi, Itchu sothe sene sinaweryeya ti Nyuwo; Víhani ekahi ela wa Miyo; manki tahi yeyo kinakhwelaka, nyenya yeyo munakhwelanyu.

Lipelelani, vekelani, wi muhivolowe mu wehiwa; munepa tchiri ori wokhwela, nyenya mwíli wa’nama ori wochetcheya.

Nave tchiri kinalocha ni nyuwo, Vothe vene vanarwa‐valaleyeryiwa Mitchaka Yaphama wilaponi yothene ya vathi, ela’tho yeyo enriye muthiana ola, enarwa‐elochiwa ekhale yomupuwelano.

Nave álochano, Okumi aka ori wothanana winchipale, ophiyerya okhwa.

Nave vavo erikimólya, Yowo ákusha epau, nave vavo arélihale, ámeya, aveléla wa yawo, wi, Kushani; mwíli aka tula.

Nave ákusha ekahi, nave vavo athamalenle, áveléla wa yawo; nave othene yáwurya’mo. Nave áhi wa yawo, Ela ti nikhami naka na nlakano, noheliwa ntakhara a atchu anchipale.

Nave Yesu álochano, Munarwa‐mukwachuliwa othene nyu, wi worempwa. Kinarwa‐kichwara mukukhula, nave ipuchepuche sinarwa‐simwareya.

Vinyani, n’roweke; onani okiveléla owo ori vakhiviru.

Nave Yesu álochano, Tchiri kinalocha ni weyo, wi olelo, ohiyu yola, muthupi ohipale wili, onarwa‐okikhocha Miyo oraru.