Popular Bible Verses from Mateyu 13

શેર કરો

Nave yowo anamisiwa va’tchayani yaphama, ola ti yowo awíwa masu asuwelasha; yowo tchiri annimiha sawima, éra, akina sa makhumi khumi, akina sa makhumi mathanu na nimoha, akina sa makhumi mararu.

Nave yowo anamisiwa o miwani, ola ti yowo awíwa masu; nave wupuwelela wa elapo ya vathi, ni owoka wa muhakhu onnanyoka masu: nave onnakhala othowa yawima.

Mutchu mukina awíwa masu a Omwene, nave hanasuwelasha, ónanara owo annarwa, ashophola yomisiwa eyo m’murimani mwawe. Ola ti owo ómisiwa mukhwipi mwa ephiro.

Nyenya yowo anamisiwa va malukuni, ola ti owo awíwa masu, ni wákhela vava ni otheya; nave hánono mitathari mwa mekhiye, nyenya annakhala elukuluku ekhani; nave vorwa yawukhula akhweya yohosha ntakhara a masu, yowo annakwachuliwa vava.

Omwene wa Wirimu ori wophwanaphwana ni muhakhu wovitheya m’machani; yowo mutchu áphwannyiye, avitha; nave mu osivelana wawe annavinya, atumiha sothe sene áriyeno, athuma emacha yela.

Nyenya mukina wámora va’tchayani yaphama, nave wáhima sawima, mukina wa makhumi khumi, mukina wa makhumi mathanu na nimoha, mukina wa makhumi mararu.

Hiyani sopili, sinnuwele vamoha ophiyerya vokhupa; nave mu elukuluku yokhupa kinarwa‐kiléla ókakatcha’wo, M’pacherye othukumanya nthakathaka, mmake nlo mavisi wéyela, nyenya m’mutesherye tirigu, mwiyathi mu’khupini mwaka.