Popular Bible Verses from Matío 26

શેર કરો

Pɛ egē enáŋ efʉʼ metsem, ńnɔŋ mbípɛ, éswíŋte á Ndém, ḿbɔ́k á wɛ́ á lewhʉ ánɛ táté. Ntē ŋiŋnɔŋ é kɔɔ̄ŋ á leghʉ anu mbɔŋ, mbe nnɛ̄t é piŋ ŋká ká. »

Ńdɛ ndé á mbū pɔ́p ŋ́gɛ: «Anu á ntē meŋ mpfɛ́tɛ á gá, tɛ ŋgɔ́ yīi meŋ gɔ ekwhʉ́. Pɛ enáŋ ega mbíp, ndɛ́ʼ ŋiŋ yímpɛ á lí. »

Ńdé épúp, ńnáʼ ŋgʉ̄ɔ tɛ ŋgia é sak, ésóʼo ntswíʼte á esī, ŋ́ŋɔ́ʼne tɛ eshhʉ̄ yí é pfeŋ esī, éswíŋte á Ndém ŋ́gɛ: «Mɔ́ʼɔ, o kɔŋɔ, o epāʼne ejʉɔ ntūʼ ŋgʉɔ̄ʼ, tɛ meŋ ńde nú. Táʼ, akʉ̄ɛ a eké ntɔ́k áa páʼ o ó kɔŋ épúp, te ghʉ̄ʉ ajū mīi meŋ mé kɔŋ. »

Emuɔ é si ŋgɔ́ metshi má, métshi eka Ndém pɔ́ a epuɔ pí. Meŋ pfɛttɛ ánɛ athū atʉtʉ epuɔ, Ndém a elɔk ndēkne mefa mɔ́p.

Yɛɛ́so pɔ́ a nnɔ yí é zɛ́t nzhɛ á mpfɛ́t etsō, á pɛ́ mblɛ, ésyákne á Ndém, ḿbwɔ́ʼte, ŋ́gē egapte á mbū pɔ́p, ńdé ŋ́gɛ: «Pɛ ekɔ mpfɛ́t, ejʉɔ e é si ŋgɔ́ nnɛ̄t za. »

Ńzéŋ ŋkʉ̄ɛ ndɔ̄ŋ meluʼ, ésyákne á Ndém, ŋ́gē eyá mé pɔ́p, ńdé ŋ́gɛ: «Pɛ metsem e ekɔ nnú.

Éswíŋte tɛ á kuʼ, á sɛt nnɛ̄t mé lezēŋ nnɔ yí wɔ̄ epuɔ métɛ́t, ŋ́gē eshʉʼe, pɔ́ nɔŋ ndíi. Á lé á mbū Piɛ ŋ́gɛ: «Ńdɔkɔ ŋ́gɛ, pɛ ka ekūʼ á wɛ́ á lenāʼ nnáŋ á méŋ afʉʼ, té lí páʼ meŋ lā lɛ̄?

Meŋ shúŋɔ á wɛ́ ŋ́gɛ: meŋ te e láʼ ezéŋ emuɔ meluʼ enú ú, tɛ eláʼ etshí ánɛ aleʼé zīi, ḿpɛ é kó á ntē Lefɔ Mɔʼɔ́ ga, tɛ́ ḿpɛ e ezéŋ nnú emi meswhī. »

Piɛ á lɛ ŋkímte páʼ Yɛɛ́so a ke lé á mbū yí ŋ́gɛ: «Ŋkʉɔʼ a a shʉʼ ege etɔ́ŋ, mbɔ o ó lɛʼte ŋgʉɔ ntɛ́t ŋ́gɛ, o ka gá zhɛ́ ɛ́. » Ŋ́kímte épúp, éfhó á atetá ntó, ḿbú ndā mé ŋgʉɔ̄ʼ.

A ayi ŋiŋ yīi, a gɔ á eswiīŋ meŋ, a á shʉʼ tɛ mbáte la. Pɛ elū á esī, ḿpɛ egʉɔ njʉ́ɔ á yí. »

Yɛɛ́so á lé mé yí ŋ́gɛ: «Piŋne ŋŋí ncu ju á mbā. Ŋiŋ ntsem yīi a á lɔk ŋŋí ncu, ńzwhí á ŋiŋ, a a láʼ ekwhʉ́ áa ŋŋí ncu.