Popular Bible Verses from Matío 24

શેર કરો

Anu tepɔŋ a shʉʼ epú ezá záa, tɛ lelʉɛ epuɔ é le zéŋ ŋgwɛ̄ ŋkɔŋne á mbū emɔ̄ʼ epuɔ ɔ́. Táʼ, ŋiŋ yīi a á ŋíŋ ánɛ meŋ, tɛ ndáʼ nzōko, Ndém a eghʉ̄ a etswɛ́t.

Mɛ́ e láʼ etswi ŋke mbɔŋ wuɔ yīi é cʉteē Lefɔ Ndém, á ntē ŋgɔŋ ntsem. Melāʼ melāʼ e ejúʼ épúp, ńzhɛ́ á légɛ Ndém a á éwú, ŋgɔŋ e elɛ mmī. »

Pɛ shʉʼɛ nnáŋ tɛ njúʼ mɛ́ nɔ̄ŋ ŋghítɛ ncu á ntē alāʼ, ńjúʼ mɛ́ nɔ̄ŋ ŋghítɛ ncu yīi é si eshʉ̄ʼɛ, ndɛ́ʼ pɛ epɔ́k. Ecʉɔ etsō mɛ́t é pɔŋteé á lezi mvhɔ ntɔ́k, tɛ́ ŋké le ndɔ̄kɔ ŋ́gɛ, ŋgɔŋ e gɔ ezho emi í.

Epuɔ taʼ alāʼ é shʉʼ enáŋ tɛ epʉ́ʼɛ nnɛ̄t, égʉɔ elʉɔ́ʼ amɔ̄ʼ. Mmɔʼ efɔ a elū á esī, ńdʉɔ́ʼ mmɔʼ. Afʉɔne a shʉʼ ewhʉ é ejʉʼ ejʉʼ, atsáʼ a epú nzéŋ ncʉ̄ʼne é ejʉʼ ejʉʼ. Emuɔ menu mɛ́t tsem, e láʼ egɔ́ páʼ, menzwí yīi, mɔ́ a á si nzīi á lezāŋ á yí lā.

Lephū pɔ́ esī atsetsáʼ e fú epú emii, táʼ, ashuŋne zá a epú nzɛ́t áa épúp.

Epuɔ tɛ nzáne é shʉʼ elɔk lezēŋ tsá, éshʉʼ á mvhɔ pɛ, awíɛ awíɛ a enɔŋ ndʉ́ɛ́ ŋ́gɛ, yí mé Nzaʼ‑Ŋkhʉ. Élé épúp, élɔk eghʉ, atʉtʉ epuɔ a efhó ánɛ mɛnzhɛ mbɔŋ ntó.

A shʉʼ egɔ́ épúp, mɛ́ egɔ̄te á wɛ́, ŋ́gyá ŋ́gɛ, mɛ́ enéŋ ŋgʉɔ̄ʼ á athū pɛ, ńzwhíte á wɛ́. Elāʼ elāʼ e shʉʼ epú epa á wɛ́ melaʼ mīi, pɛ é epuɔ pá. A láʼ egɔ́ egɔ́, tɛ epuɔ tɛ nzá e ewhʉ̄ á ntē mefa. Emɔ̄ʼ e egɔ̄te emɔ̄ʼ, ŋ́gyá ŋ́gɛ mɛ́ enéŋ ŋgʉɔ̄ʼ á athū pɔ́p. Emɔ̄ʼ e epā emɔ̄ʼ. Wɔ táŋ‑mela ŋ́gɛ, pɔ́ é metswi‑ŋke Ndém, e shʉʼ etó tɛ ezáne, éghʉ, atʉtʉ epuɔ a efā nzhɛ.

Yɛɛ́so á pwɛt á mbū pɔ́p ŋ́gɛ: «Pɛ epá. Ndɛ́ʼ pɛ ecʉ́ʼ ŋiŋ á ghʉ, pɛ efāa nzhɛ.

Melaʼ épúp tɛ́, pɛ azɛ́, pɛ egē enáŋ, ńnɔŋ mbípɛ, melaʼ mīi Méŋ‑Ŋiŋnɔŋ wuɔ a a fú etɔ́kne á wɛ́ ánɛ njhʉ̄ zīi, pɛ kaá nnɔŋ nzwíʼtɛ ɛ́.

Púp, ndɛ́ʼ ŋiŋ á lí, melaʼ mīi pɛ ka zhɛ́ njhʉ̄ zīi, Atsyapuɔ wɛ a gɔ á eshʉʼɛ ɛ́.

«Ŋiŋ a ké ŋgɔ́ a á le zhɛ́ aleʼé zīi, menu muɔ mɛ́t é gʉɔ mé ntɔ́kɔ ɔ́, ḿbīŋ le njhʉ̄ zhɛ́. Mecɔʼ Ndém á athʉ́ lephū é té si nzhɛ́ɛ azɔ́p ɔ́, tɛ mbɔɔ Méŋ Ndém. Ŋiŋ a puú te si nzhɛ́ɛ ɛ́, ndaʼ Ndém Mɔʼɔ́ yíléyī.

Emɔ̄ʼ epuɔ e shʉʼ elu á esī, étáŋ mela gɛ, pɔ́ é wɔ Nzaʼ‑Ŋkhʉ, emɔ̄ʼ e etáŋ mela ŋ́gɛ, pɔ́ é metswi‑ŋke Ndém, énɔŋ eghʉɛ etsiá meyiŋne anu, pɔ́ ndajʉ́ɔ menu. Éghʉɛ, élɔkɔ epɔptɛ epuɔ, tɛ ŋgɔ́ yīi pɔ́ gɔ ezéŋ mbɔ̄pte epuɔ pīi, Ndém a le tsɔ́ʼ á wɔ́p ŋ́gɛ pɔ́ egɔ́ epuɔ pí.

Méŋ‑Ŋiŋnɔŋ a a láʼ ege eshʉʼe, menu e ezéŋ ntɔ́k, páʼ é le tɔ́k épúp, ŋguʼ Noe. Ndeŋ ndeŋ páʼ pík‑ŋgɔŋ mbeŋ a le gē eshʉʼe, mɛ́ nɔŋ mpfɛ́tɛ, ńnúu, ńdáa ŋgyā, ńtsóʼo ewɔŋkhʉ̄, tɛ ndáʼ ŋkó aleʼé zīi, Noe a le zíʼ ŋkó á ntē mía mɛtúa ntshi. Mɛ́ nɔŋ te mbɔ́kɔ amɔ̄ʼ azō ɔ́, tɛ pík‑ŋgɔŋ mbeŋ á shʉʼ, ḿbú mbík epuɔ metsem lā. A láʼ ezéŋ egɔ́ áa épúp, á aleʼé zīi, Méŋ‑Ŋiŋnɔŋ a piŋɛ nzem.