Popular Bible Verses from Exodo 20

શેર કરો

—Yụ nash Jenꞌ Ayoꞌ miꞌin, yụ jiꞌshupyac Egiptoĉantyiꞌ jiquej, yóĉandyemꞌ ñịbeꞌ cạvetiñeꞌ úñedyeꞌĉan jiquej u miꞌin. Jam raꞌ jenꞌtutiñeꞌ yocsiꞌ jedyeꞌ pạrejve, yụmꞌ yirity Jenꞌ miꞌin.

Jam raꞌ yiris jämꞌtacdyeꞌ jämꞌtiñeꞌ miꞌin, mijam raꞌ jeꞌñes mạyedyeꞌches, mijam raꞌ jeꞌñes jacches jedyeꞌ, mijam raꞌ jeꞌñes ojñiꞌĉansiꞌ jedyeꞌ chimeꞌ. Jam raꞌ dyụꞌtseyetiñeꞌ joꞌmes miꞌin, mijam raꞌ timaꞌquetiñeꞌ, yụ nash mọmoꞌ yirity Jenꞌ Ayoꞌ miꞌin. Chịj nash yụ meꞌjeyacsi muꞌin yoctyiꞌcheꞌ irijyity in. Yụ raꞌ vaꞌtacdyeꞌ soꞌmacsi muꞌin fáquintyiꞌ yụ in, chimeꞌdye raꞌ ạvaꞌ muꞌin, paj tsanꞌ vịyaꞌ muꞌin, paj tsanꞌ vóshiꞌ chimeꞌ muꞌin.

Jämꞌjeyaqui raꞌ ĉụiꞌtyiꞌ jenꞌ miꞌin judyeyaꞌ tseꞌ miꞌin, paj qui anic men muꞌĉan bäꞌyi miꞌin jacĉan, mọꞌ soꞌmeyacsiꞌ raꞌ yụ, yụ nash Jenꞌ Ayoꞌ miꞌin.

Ạ̈räjjetiñeꞌ raꞌ mọꞌ jịꞌjutyitidyes mạyedyeꞌ, yụꞌtyevac yụ́dyes.

Jam raꞌ cäjsisyaꞌ dyijyedyeꞌ jiꞌjäcbutiĉaꞌ yụs tịj miꞌin, muꞌin meꞌ aꞌc̣hisyaꞌ tịj jiꞌjäcbuntyiꞌ yụ in, muꞌin raꞌ vaꞌtacdyeꞌ soꞌmacsi yụ.

Jäbän raꞌ mạyedyeꞌ carijtaqui miꞌin, mọꞌ qui namꞌ yävätidyeꞌyis mạyedyeꞌ, ạ̈räjjetiñeꞌ raꞌ mọꞌ, paj qui jịꞌjutyiti miꞌin. Yụ́dyes yụꞌtyevac mọꞌ, ĉaĉaij nash yụ Jenꞌ Ayoꞌ miꞌin. Mọꞌdyes jam raꞌ carijtaqui miꞌin mọꞌ mạyedyeꞌ, mijam raꞌ ạvaꞌ miꞌin, mijam raꞌ úñity miꞌin, mijam raꞌ úñis miꞌin, mijam raꞌ cuꞌdyeꞌ miꞌin, mijam raꞌ yoctyiꞌ muntyiꞌ chimeꞌ in, muꞌin jajbuꞌyinactyiꞌ in.

Jam raꞌ mạꞌjeyacsebi miꞌin chätidyes jedyeꞌ muꞌin, paj tsanꞌ acaꞌ muꞌin, paj tsanꞌ p̂en muꞌin, paj tsanꞌ úñity muꞌin, paj tsanꞌ úñis muꞌin, paj tsanꞌ cuꞌdyeꞌ muꞌin, jam raꞌ joꞌmes mạꞌjeyacsebi miꞌin —yi muꞌ Jenꞌ.

Jam raꞌ väñädyeꞌyaꞌ jiꞌmeꞌtinte chätidyeꞌ miꞌin.

Jam raꞌ voꞌvoij miꞌin.

Jam raꞌ ijatinte muntyiꞌ miꞌin.

Jam raꞌ shuꞌaij miꞌin.