Popular Bible Verses from Exodo 12

શેર કરો

Mọꞌdye raꞌ tsedyedyeꞌ yụ raꞌ räj ĉọcsecbi acaꞌ Egiptoĉansiꞌ muꞌin, ijacsi raij räj tashchety ạvaꞌ sonꞌ muꞌin Egiptoĉantyiꞌ in, judyeyaꞌ chimeꞌ räj tashchety cuꞌdyety ạvaꞌ mọꞌin. Chimeꞌdye yụ raꞌ räj soꞌmacsebi tsäquiꞌsis mọꞌ jenꞌtuiꞌsiꞌ muntyiꞌ in, meꞌ yi yụ ĉaĉaij nash yụ anictyity Ayoꞌ. Mọꞌ cuꞌdyes chäsh yụꞌtiñeꞌ raꞌ chụiꞌdyeꞌyaꞌ jịꞌĉocdyes raꞌ mọꞌ acaꞌ junꞌĉan chuc miꞌin. Aty raꞌ ijacsetiyaꞌ yụ Egiptoĉantyiꞌ ạvaꞌ in, miꞌin na raꞌ jam yirity säñi, yụ raꞌ cạveꞌ mọꞌ chäsh ñụiꞌ raꞌ muꞌyaꞌ tyeij yụ.

Miꞌin räjĉan raꞌ dyijtutiñeꞌ mọꞌ mạyedyeꞌ, därsiꞌ raꞌ feshta jämꞌbajtiñeꞌ yụ́dyes ĉaĉaij nash yụ Ayoꞌ miꞌin. Jam raꞌ yaquintutiñeꞌ mọꞌ feshta Jiꞌc̣honacdyes miꞌin. Räjĉan raꞌ jämꞌtiñeꞌ miꞌin, judyeyaꞌ raꞌ vóshiꞌ miꞌin chimeꞌ.

Jämꞌdyeyaꞌ raꞌ ạvaꞌ miꞌin jínac jụijyaꞌ miꞌin: ¿Jedyeꞌ buty cạiꞌ ọij feshta?" Chat qui raꞌ miꞌin jéyaqui ạvaꞌ miꞌin: "Räjĉan yómodyeꞌ ijajaꞌ mọꞌ cuꞌdyeꞌ Ayodyes paj qui dyijtujaꞌ mọꞌ tashches jiꞌc̣honacdyeꞌ jiquej, yoquiꞌdyemꞌ muꞌ Jenꞌ ijacsi Egiptoĉantyiꞌ jiquej in, judyeyaꞌ ñụiꞌ tyeij tsunsiꞌyaꞌ acaꞌ Israeltyisyaꞌ vóshiꞌ tsun Egiptoĉan, meꞌ muꞌ jiꞌc̣hoñin jiquej tsun", yi raꞌ jéyaqui ạvaꞌ miꞌin jịꞌchiqueyaqui miꞌin —jéyacsi muꞌ Moisés. Muꞌin Israeltyiꞌ vóshiꞌ muꞌ dyụtsyi muꞌin in timaꞌquete Jenꞌ in.