Popular Bible Verses from От Луки 6

શેર કરો

Тӯнӣқитык юлгутыхпысинун ынка̄м Кияӷныӷым тӯнылъықӣси. Тӯныхкани лъпысинун кыныхтақлъюки, уфсюгутақлъюки, ныкыхсяӷўа̄ҳлъықӣ, ўата иля̄ӷатаӷаҳлъықӣ тывуӷаслъюки кыниси. Таўатын тӯнилъыҳпысистун Кияӷныӷым тӯнылъықӣси».

Пинилӷӣ ю̄к атуқӣқуқ пинилӷӣмың илюмикыхкаминың, иўырңа сыӷлық ю̄к атуқӣқуқ сыӷлыӷмың илюмикыхкаминың. Ю̄к акузикаюгӯқ илюмикыхкаминың».

Иўырңа пиниқлъюки аңуяси, пинитун пӣқитык, навӷитӣқитыклъю, сиӷимакыхпынаки выӷутылъыҳқӣт. Акилыҳтӯсяҳқалыхлъягӯси, авақутӣстунлъю Кияӷныҳлъягым пилъықуси, қаюҳлъяк наңлъыхтаҳтуқ игамсиқаюгигалңуӷнунлъю, сыӷлытунлъю пистынун.

Наңлъыхтаҳтык катам таўатын Атахпыси наңлъыхталъҳатун».

«Нанқихтыхпынаки юлгутыси, ынка̄м Кияӷныӷым нанқихныӷилъықӣси. Анахунъихпынаки килъю ынка̄м Кияӷныӷым анахунъинӷилъиси. Сыӷывутӣқитык ынка̄м Кияӷныӷым сыӷывулъықӣси.

«Иўырңа хўаңа пӣмси нагалъҳӣни: Пиниқлъюки аңуяси, пинитун пӣқитыки угумикистыси. Қуястысқақитыки Кияӷныӷмун тама̄кут уйваляӷистыси, юӷа̄ткақлъюкилъю амьюқыта̄ткистыси.

Юлгутыси пӣқитыки таўатын писқысюлъыҳпысистун лъпысинун.

Китум алңунак улъюңахпыгун қасяҳтыкаңатын, иңлюңалъю қасяҳтыснакын. Китум алңунак қа̄слъихкын тугукакык, хатыхкынлъю лъңанун писқынъакыхкын. Қамахлъюки туңсиӷнӣлӷӣт тӯнақитыки. Китум тугувикумакаңиси сяӷьяхпысиның, выҳтыхпынаки.

«Уқфик пинилӷӣ пӣтыстиңигатуқ сыӷлыӷмың. Уқфик сыӷлық пӣтыстиңигатуқ пинилӷӣмың.

Уқфик натылңӯтаңа лӣгиксяҳқа̄гуқ пӣтыстыка̄кун. Сикуҳлъюгыт пӣтыстиңигатут смоквамың, налиӷмың ныӷьяҳқа̄нӷилңӯт нунивахсыӷат пӣтыстиңигатут виноградымың.