Popular Bible Verses from OO MEYO ACHIMOOWIN ST MARK 6

શેર કરો

Ākose omisse itāo, Pā itoo̔tāk keyawaw ākut itta ā nisikuto ayak, ākose utcheyow uywāpik: weya me̔chāt ā ke̔ pā itoo̔tātchik mena ā sipwā̔tātchik, mena numma wawach ke̔ towustāyew a̔po eyekoo̔k kitta mechesootchik.

Maka Jesus omisse itao, Okiskewāhikāo numoweya āka kitta ayat kistāye̔takoosewin, piko weya kā̔chewak oot uskee̔k, mena keyekow weya kā̔chewak oo’ totāma, mena weya kā̔chewak w’eekee̔k.

Ākose Jesus, ispe wāyoweet, wapumāo me̔chāt ayiseyinewa, ākose moose̔taw ā kitimakinowat, chikāma ā nuspitowayit mayutchi̔kwa āka kunowemayutchi̔kwāwa ā ayawayit: ākose mache kiskino̔humowāo me̔chāt kākwia.

Mena ākota numoweya ke̔ totum mamuskache utooskāwin, piko ā ke̔ saminat atee̔t oota̔koosewa, mena ā ke̔ pimachehat. Mena ke̔ mamuskatum chikāma oot anwā̔tumoowinewaw o̔che. Ākose waska̔tāo missewā otānowa, ā kiskino̔humakāt.

Ākose ispe ka̔ otinat neyanun ayu̔konawa ussitche nesoo kinoosāwa, tustusapew ke̔che kesikoo̔k isse, mena meywukimāo, mena pu̔kwānāo ayu̔konawa, mena meeyāo oo kiskino̔humowakuna kitta ooyustwawayit; ussitche unehee nesoo kinoosāwa matinumowāo ka̔keyow. Ākose ka̔keyow ke̔ mechesoowuk, mena ke̔ keespoowuk. Ākose otinumwuk metatu̔t nesoosap we̔koopewuta ā sakuskināyikee iskwa̔chekuna o̔che, mena kinoosāwa o̔che.