Popular Bible Verses from ငဝ်ႈၵမ်ႇၽႃႇ 18

શેર કરો

လွင်ႈ​တၢင်း​ဢၼ်​ထႃႇဝရႃႉ​ၽြႃး​ဢမ်ႇ​တၢတ်ႈ​ၼိူင်ႇ​လႆႈ​ၼၼ်ႉ မီး​သေ​ၸိူဝ်ႉ​သေ​ပိူင်​ႁိုဝ်။ မိူဝ်ႈ​ဢၼ်​ထိုင်​ၶိင်ႇ​ဢၼ်​မၵ်း​ၶၢၼ်း​ဝႆႉ​ၼၼ်ႉ၊ ၵဝ်​တၵ်း​ၶိုၼ်း​မႃး​ၵႃႈ​တီႈ​မႂ်း​လႄႈ ၸႃႇရႃႇ ​တၵ်း​လႆႈ​လုၵ်ႈ​ၸၢႆး​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၵွပ်ႈ​ႁွႆး​ၼႆႉ​လႄႈ​ ၸႃႇရႃႇ ​တဵတ်ႇ​တဵတ်ႇ​ယုမ်ႉ​ၶူဝ်​သေ​လႄႈ​ဝႃႈ၊ ၵဝ်​ထဝ်ႈ​ယဝ်ႉ။ ၸဝ်ႈ​ၵဝ်ႇ​ၵေႃႈ​ထဝ်ႈ​ယဝ်ႉ၊ ပိူဝ်ႈ​ၼႆ​လႄႈ ၵဝ်​တၵ်း​မီး​တၢင်း​မူၼ်ႈ​တၢင်း​ပျေႃႇ​လူး​ၵွၼ်ႇ​ႁိုဝ်​ၼေႃႊ၊ ဝႃႈ​ၼင်ႇ​ၼႆ​ဢေႃႈ။

ဢႃႇပြႃႇႁၢမ်ႇ ​ၼႆႉ​တၵ်း​ပဵၼ်​မဵဝ်း​ၵူၼ်း​ဢၼ်​ယႂ်ႇ​မျၢတ်ႈ​ၼႃႇ​လႄႈ ပျေႉ​ၸုမ်ႇ​တင်း​တၼ်း​ၶူဝ်း​ဢေႃႈ။ ၵႃႈ​ၼႂ်း​မၼ်း​ၼႆႉ​ၵူၼ်း​မဵဝ်း​တင်း​သဵင်ႈ​တင်း​လူင် တၵ်း​လႆႈ​ၶၢမ်ႇ​တၢင်း​လီ​မင်ႇၵလႃႇ​ဢေႃႈ။

မိူဝ်ႈ​ၼၼ်ႉ​ ဢႃႇပြႃႇႁၢမ်ႇ ​သုတ်ႉ​ၸမ်​သေ​လႄႈ​လဝ်ႊ​ဝႃႈ၊ ၸဝ်ႈ​ႁဝ်း​တၵ်း​ယႃႉ​ပႅတ်ႈ​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ ပႃး​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​တီႈ​ၶႃႈ​ႁိုဝ်။- ပေႃး​မီး​ၵူၼ်း​သိုဝ်ႈ​တေႃႇ​ႁႃႈ​သိပ်း​ၵႃႈ​တီႈ​ဝဵင်း​ၼၼ်ႉ​ၸိုင်၊ တၵ်း​ယႃႉ​ပႅတ်ႈ​တီႈ​ၶႃႈ​ႁိုဝ်။ ယင်း​ဢမ်ႇ​သေ​လၢႆ​ဝဵင်း​ၼၼ်ႉ ၵွပ်ႈ​ပိူဝ်ႈ​ၵူၼ်း​ႁႃႈ​သိပ်း​ဢၼ်​ပႃး​ၵႃႈ​ၼႂ်း​ဝဵင်း​ၼၼ်ႉ​လႄႈ တၵ်း​ယႃႉ​ပႅတ်ႈ​တီႈ​ၶႃႈ​ႁိုဝ်။

ထႃႇဝရႃႉ​ၽြႃး​ၵေႃႈ​လၢတ်ႈ​လႄႈ​ဝႃႈ၊ ပေႃး​ၵဝ်​ထူပ်း​ႁၼ်​ၵူၼ်း​သိုဝ်ႈ​တေႃႇ​ႁႃႈ​သိပ်း​ၵႃႈ​ၼႂ်း​ဝဵင်း​ သေႃးတုမ်ႇ ​ၼၼ်ႉ​ၸိုင်၊ ၵဝ်​တၵ်း​သေ​လၢႆ​တီႈ​ၼၼ်ႈ​တင်း​သဵင်ႈ​တင်း​လူင် ၵွပ်ႈ​ပိူဝ်ႈ​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။