Popular Bible Verses from मत्ती 26

શેર કરો

तूँ पंचे सतरक रहा, अउर प्राथना करत रहा, कि जउने परिच्छन माहीं न परा: आत्मा त वास्तव माहीं तइआर हय, पय देंह निबल ही।”

तब यीसु उनसे कहिन, कि “हमार जिव खुब उदास हय, अउर लागत हय, कि हमार प्रान निकर जई। तूँ पंचे इहँय रुके रहा, अउर हमरे साथ जागत रहा।”

अउर पुनि यीसु थोरी क अउर आँगे जाइके अउर भुँइ माहीं मुँह झुकाइके, इआ प्राथना किहिन, कि “हे हमार पिता, अगर होइ सकय त इआ बड़ा भारी कस्ट हमसे दूर होइ जाय, तऊ जइसन हम चाहित हएन, उआमेर न होय, पय जइसन अपना चाहित हएन, उहयमेर होय।”

काहेकि इआ करार के हमार उआ खून आय, जउन खुब मनइन के पापन के माफी के खातिर बहाबा जई।

जब यीसु अउर उनखर चेला लोग खाना खात रहे हँय, तब यीसु रोटी लिहिन, अउर पिता परमातिमा से आसीस मागिके टोरिन, अउर चेलन काहीं दइके कहिन, कि “ल्या, तूँ पंचे एही खा; इआ हमार देंह आय।”

अउर एखे बाद ऊँ अंगूर के रस से भरा खोरबा लइके, परमातिमा काहीं धन्यबाद दिहिन, अउर उनहीं खोरबा दइके कहिन, कि “तूँ पंचे सगले जन एमा से पिआ

अउर एखे बाद यीसु चेलन के लघे आएँ, त उनहीं सोबत पाइन, तब ऊँ पतरस से कहिन, “का तूँ पंचे हमरे साथ एक घरिव, नहीं जाग सकते आह्या?

अउर हम तोंहसे पंचन से कहित हएन, कि अंगूर के इआ रस उआ दिना तक हम कबहूँ न पिअब, जब तक अपने पिता परमातिमा के राज माहीं तोंहरे साथ नबा अंगूर के रस न पी लेब।”

तब पतरस काहीं यीसु के कही बात याद आइगे: कि “मुरगा के बोलँइ से पहिले, तूँ तीन बेरकी हमहीं इनकार करिहा।” अउर पतरस बहिरे जाइके फूट-फूटिके रोमँइ लागें।

उठा, चली! देखा, हमार पकड़ामँइ बाला लघे आइगा हय।”

तब यीसु उनसे कहिन, कि “आपन तलबार म्यान माहीं रख ल्या, काहेकि जे कोऊ तलबार चलाबत हें, ऊँ सगले जन तलबार से मारे जइहँय।