Popular Bible Verses from Izaiya 65

શેર કરો

Eto tempu yenno, aliwa kahanadiitaneve, nnoza dirumele. Eto miyo nnerege irana yovepa yewa tempu imohive inawongege atu.

<<Mwasiwa miyo nnopandutcha ilambo ya zulu ixa na ilambo ya vati ixa. Jengo jatene jivirile jinoza jidiwaliwe eto kajiza jiumbuweliwagave.

Kiza kalabaga vasayi vene eto kiza kaabalaga ahimiwa ira katolowe. Mwasiwa anaza kakale atu orelihiwa na Yehova, aliwa vamohi na ahimiwa anabaliwegemo.

Aliwa kamanga nyumbiwa, mutu ogonamo kaza akala mutu mmohiwene, nari. Eto aliwa kazala miratchi da uva, mutu odja kaza akala mutu mmohiwene, nari. Mwasiwa atwaga yaka diwa nnakalege nnga yaka da mutengo eto atwaga osakulriwa anerege djavo jatene jilabile atu fiyeda kaulule.

Muwari mwa aliwa kamuza mukala mwana unafuna kwaga na malambo a vang'ono eto nne kalivo mundimuwa unafuna kwa ahanaulule pama. Mwasiwa mutu wenno unakwe na yaka 100 ku wonga ukwile agali muzombwene. Eto mutu wenne unakwe ahanakayena yaka 100 ku wonga mutuyo ohotembelrelreya na mwasa otega.

Mwanambwa wa mukokolani vamohi na mwana nibila anoza kadjege mpinda vamohi. Eto podogoma unoza adjege mpinda nnga ng'ombe. Eto tumbulru nnoza nikaleve yodja ya nyowa. Kalivo unafuna za irana yabure owu yotolotcha ili yatene muwari mwa mwango waga watene otchena. Unawonga miyo gu Yehova.>>

Miyo nnoza dikayena hagalala zela Jeruzalemu eto nnoza dikayena teyela zela atwaga. Eto muwari mwa aliwa kamuza muvweyaga nizu nonla nari nizu nokumbanya.