Popular Bible Verses from मत्‍ति 13

શેર કરો

मेन अ़नुवाक बाखादा म़छुक्‍ताओ बिउचि ओचिङा ओ, साङ्‌आ निनाम्‍हाङ्‌ओ अ़चुय़ङ एनुकि तुप्‍तु, खोन्‍कि खोसाआ वेत्‍ताओ बिउदाङ्‌का अ़नुछ्‍याङा सयेकास़रो, साथिकास़रो, खोन्‍कि तिसकास़रो सिवा सिसु।”

त़ङ्‌खोक्‌वालादा म़छुक्‍ताओ बिउचि ओचिङा ओ: मोसाआ निनाम्‍हाङ्‌ओ अ़चुय़ङ एनु, मेन ओ हेन्‍खामादाओ मिन्‍राक्‌चि, चासुम्‍छेन्‍बि च़क्‍ख़य़आ मो निनाम्‍हाङ य़ङ उप्‍तुदिसु, खोन्‍कि मोसाआ अ़सिवा अ़सिसुन।

साङ्‌आ हाङ्‌होन्‌ओ अ़तुक्‌वादा य़ङ्‌खान एनु, खोन्‍कि मो अ़तुप्‍तुन, मोन्‍ग़रि सैताना ताकि मोसोओ अ़साकोङ्‌वादा दि वेत्‍ताओ, मो ङाप्‍तुखात्‍तु। लाम्‌दात्‍नि म़छुक्‍ताओ बिउचि ओचिङा ओ।

लुङ्‌खावादा म़छुक्‍ताओ बिउचि ओचिङा ओ, साङ्‌आ य़ङ्‌खान एनुकि अ़ऩङानुयाङ्‌सा मो च़क्‍नि लोउ, मेन मोसोओ अ़भेन अ़मेत्‍तुन्‌ओसा मो अ़क्‍चित लेन ओन्‍ङा ह़ङ, खोन्‍कि निनाम्‍हाङ्‌ओ अ़चुय़ङ्‌दा साकोङ्‌छ़ङ मुवाओसा अ़चाअ़त्‍मा माङ्‌लो ल़क्‍मा ताहिदा निनाम्‍हाङ्‌ओ अ़चुय़ङ साकोङ्‌छ़ङ मुमादा मो च़क्‍नि देङ्‌ला।

निनाम्‍हाङ्‌होन व़क्‌दा कुम्‍माय़ङ फेक्‌वावाको ओ। मो अ़क्‍छा म़नाआ धिरुकि मो लासुकुम्‍सु, खोन्‍कि अ़ऩङानुयाङ्‌सा खो खात्‌कि खोएदा युङ्‌याङ्‌ओ झारा सामा इनु खोन्‍कि मो व़क खिरु।

मेन अ़क्‍चित बिउचि अ़नुवाक बाखादा म़छुक्‍ता, खोन्‍कि खा-खाक्‍कोसाआ सयेकास़रो, साथिकास़रो, खोन्‍कि तिस्‌कास़रो च़लोक अ़चुसिवा अ़सिसा।

चा कोप्‍मा मान्‍लियुक्‌तारि ह्‍वातात्‍माङ अ़क्‍नि पोन्‍मा पुवानुम्‍च़म। चा कोप्‍मा ग़रिदा चाकाहेक्‌चि अ़ङ्‌का लोङ्‌च़ङ, बुया सामा धेलानुम खोन्‍कि मोचि भोङानुम्‍च़म्‌कि ह़त्‍माखाइसानुम्‍च़म। खोन्‍किना छुमाचा अ़ङ्‌स़ङ्‌कुलुधुन्‌दा कोआनुम।’”