Popular Bible Verses from Taruparea̧ Ma̧ȩ 32

શેર કરો

Ado idëpea̧ oa cjiamȩ judi yo̧a̧dejȩ: —Danȩ, Jacobo quȩmȩdërenȩ yaba̧, jabo ado cja̧rȩmo̧ quȩra̧ ano̧ mire quȩparequedemȩ. Jabechji̧ Icharai quȩmȩrenȩ yaba̧. Jabechji̧ mȩnȩ Ütë tjamo̧ pio ju̧i̧ nö̧ta japataremȩrȩ boadäräa̧ tara, pumȩ pio ji̧ri̧bo boadäräa̧ tara, jabechji̧ Icharai quȩra̧ pio ju̧ri̧ra̧ ano̧ mire quȩparequedemȩ. Aja̧, "Ütë tjamo̧ pio ju̧i̧ nö̧ta japatamȩ" yo̧mȩ quȩra̧ pio ju̧ri̧ra̧ ano̧ mire quȩparequedemȩ —yo̧a̧dejȩ.

Ado ja̧dëa ji̧ yo̧a̧dejȩ Jacobo ju̧i̧: —Mitë ano̧coe. Cjitëdiibe do üdë. Jabo Jacobo judi dëbë yo̧mȩrȩ yo̧a̧dejȩ: —Cjäri̧ marequedemȩ. Mitë ano̧dëparequedemȩ. Jabechji̧ mȩnȩ coa chjadëri̧ cjo̧ro̧pea̧ ma̧ȩ oa yürürämo̧ mitë ano̧parequedemȩ —yo̧a̧dejȩ.

Ado ütëbo oa chjätä tänȩ ëte jibëa̧ma̧i̧ cjiadiärëremȩde Jacobo judi. Ado ja̧dëa ji̧ judi daba quëna̧dërä, chjaodëri̧ acji jana̧dejȩ cja̧rȩmȩ üdë pio jȩa nö̧ta japatapea̧ oa. Ado goae tarari̧ japatarëreji̧ri̧dirȩ japamitë ana̧ri̧. Tjamo̧ davä. Dorë cjitëa̧rä yuro japatarëreji̧ri̧dirȩ.

Ja̧dëa ji̧ Jacobo judi pio ju̧ri̧pȩ quȩparëremȩdejȩ. Aja̧, Penue quȩra̧ pio ju̧ri̧ra̧ quȩpea̧dejȩ, "Ütë tjamo̧ ja̧ dacho" yo̧mȩ quȩra̧. Ado ja̧di dari̧ yo̧rëremȩde Jacobo judi: —Jabechji̧ cüdë Ütë tjamo̧ ja̧ dacho oa irä daea̧mȩborë, jabechji̧ ja̧bodëa̧requede, jabo cjo̧ro̧rea̧ chiarequede —yo̧a̧de. Aja̧, ja̧bodëa̧de. Ado pio ju̧i̧iä jabechji̧, "Ütë tjamo̧ ja̧ dacho" yo̧mȩ quȩra̧ pio ju̧ri̧ra̧ quȩparëremȩdejȩ jënȩro̧ japata̧räpȩ ju̧ri̧.

Jabo idëpea̧ oa cjiaremȩ judi, ‘Jabo cjäri̧ maquëda, pio yoa üi̧ oa boadärärea̧ dadaemȩquëda’ quëna̧ jo̧rȩta̧ oaiä, jabechji̧ gu̧na̧dejȩ jibëa̧ apë ju cjara oa oëra̧ cjiadiäa̧ri̧.

Ja̧dëa ji̧ idëpea̧ oa cjiaremȩ judi iëno̧ë ta̧rëa̧dejȩ: —¿Yö̧ta quȩmȩrenȩ mȩnȩ? Ado Jacobo judi: —Yö̧ta quȩmȩdërequede, Jacobo quȩmȩrequede —yo̧a̧.

Ado ja̧dëa ji̧ Jacobo judi iëno̧ë ta̧rëa̧dejȩ: —Ado mȩnȩ, yö̧ta quȩmȩrenȩ mȩnȩ? Ado idëpea̧ oa cjiaremȩ judi dëbë yo̧mȩrȩ yo̧a̧dejȩ: —¿Tjana̧ japapea̧ oa iëno̧ë ta̧rërenȩque? —dëbë yo̧a̧dejȩ. Ado ja̧dëa ji̧ idëpea̧ oa cjiaremȩ judi chjadëri̧ cjo̧ro̧pea̧ ma̧ȩ oa yürürëremȩdejȩ Jacobo ju̧i̧.

Danȩ, cüdë chjadëri̧ japea̧ ba oa chjadëri̧ japadërenȩque, jabo jabechji̧ na̧ea̧ ma̧na̧ri̧ jo̧rȩtamȩrȩ chjadëri̧ jape chjaorenȩque nö̧tadëmȩ oa, pumȩ ba chiadëmȩ oa. Aja̧, na̧ea̧ ma̧na̧ri̧ jo̧rȩtamȩrȩ ji̧dë ma cjäri̧ri̧ cjiamȩrȩ darema̧coe pio mȩnȩmo̧ marë. Jabechji̧ na̧ mu̧i̧tjoi̧requede cüdë. Ado cüdë pio yoa bea oa, bea Joroda̧ pearä chjätärërea̧ ji̧, jabechji̧ ca̧ tai̧rea̧ to pio ju̧i̧mo̧i̧ goamȩrȩ chjätärëremȩreconȩ. Ado yaba̧ ji̧ra̧ri̧ goamȩpea̧requede. Jabechji̧ pio mȩnȩ yürüa̧ oa ji̧ra̧ri̧ goamȩpea̧requede cüdë. Yo̧a̧ri̧ buba oa goamȩpea̧requede.

Ja̧di tara pio judiri yurori, jabechji̧ icharaita judiro̧ eami̧ chirirä cjo̧ro̧mȩ oa ja̧bo tänȩrä, jënȩro̧ jurapea̧ oa gu̧na̧rä, jabechji̧ apë ju cjara go̧a̧ oa juradë madiro̧jo̧ȩ. Ütë tjamo̧ judi apë ju cjara oa ga̧re tara̧ oaiä, ‘jabechji̧, juradërea̧vedida’ quëna̧ jo̧rȩtaji̧ri̧rȩ juradë madiro̧jo̧ȩ.

Ado ji̧dë duri oa Jacobo judi ni̧bämȩpea̧dejȩ Jeova pio ju̧i̧. Ja̧di ta̧rëri̧ yo̧mȩrȩ ni̧bärëremȩdejȩ: —Jeova, ca̧ jadama̧i̧ pio ju̧i̧ ja̧ Ütë oa ni̧bärequedemȩ, Abaraa̧ quȩmȩ ja̧ Ütë oa. Ca̧ ama̧i̧ ja̧ Ütë oa, Icha quȩmȩ pio ju̧i̧ ja̧ Ütë oa ni̧bärequedemȩ. Danȩ, pio mȩnȩ yo̧a̧ pio ju̧i̧iä baärequede ca̧ chiriräpȩ, ca̧ pumȩiäpȩ. Pio mȩnȩ yo̧a̧ pio ju̧i̧iä, “Aja̧, chjadëri̧ a̧doparequedemȩ” yo̧a̧ pio ju̧i̧iä, jabechji̧ baärequede.

Ado yaba̧ cjo̧dërequedemȩ ca̧ Ütë mȩnȩ coa chjadëri̧ jidatä, pio coa cjäri̧ri̧ cjia datä. Jabechji̧ acji jana̧ jirodique ca̧ ayima̧i̧ judi, Echau pio judi. Ado pio ju̧i̧iä uapa tjamo̧requede. 'Aja̧, pio coa gu̧na̧pea̧ oa acji jana̧ jirodida, ca̧ ivi pio ji̧ri̧bo gu̧na̧pa jirodiji̧ri̧da, ca̧ bori̧ pio ji̧ri̧bo gu̧na̧pa jirodiji̧ri̧da' quëna̧ jo̧rȩtamȩrȩ uapa tjamo̧requede.