Popular Bible Verses from Taruparea̧ Ma̧ȩ 12

શેર કરો

Ado danȩ, na̧ea̧ri ja̧ji̧ri̧ pio judiro̧ no̧i̧dë tjamo̧pe jäpadirȩ —yo̧a̧dejȩ—. Ado a̧dë chjäte ba chia tjamo̧ji̧ri̧rȩ cjo̧ro̧padirȩ. Ado danȩ, mȩnȩ chjadëri̧ cjo̧ro̧pea̧ ma̧ȩ oa yürüparequedemȩ mȩnȩ chjadëri̧ cjo̧ro̧rea̧mi̧ dari̧. Ado pio cüdë tänȩa̧ oa, oëra̧ti̧ oa cjo̧ro̧ji̧ri̧ pumȩ judiro̧ pio mȩa chjiari goë goë ta̧rëpadirȩ. Ado ba chia jo̧rȩtapadiro̧mȩ. Ado pio mȩnȩ o ji̧ri̧iäpȩmo̧ chjadëri̧ a̧doparenȩjȩrȩ, judiro̧ ji̧dë u̧i̧ chjadëri̧ cjo̧ro̧rea̧mi̧ dari̧ —yo̧a̧dejȩ—. Ado danȩ, pio mȩa chjadëri̧ japaji̧ri̧ pio ji̧ri̧ chjadëri̧ japaparequedejȩrȩ, judiro̧ chjadëri̧ cjo̧ro̧rea̧mi̧ dari̧. Jabo pio mȩa chjai̧dëri̧ japaji̧ri̧ pio ji̧ri̧, jabechji̧ bape chjaoparequedejȩrȩ —yo̧a̧dejȩ—. Ado danȩ, chiri nö̧ta oa cjo̧ro̧ji̧ri̧ pumȩ pio judiro̧ chjadëri̧ cjiadiärea̧ dapadirȩ na̧ea̧ri ja̧mȩ pio ju̧i̧iä —yo̧mȩrȩ ma̧ȩ yürürëremȩdejȩ Abara̧ ju̧i̧ Jeova judi.

Ado Jeova judi ma̧ȩ yürürëremȩdejȩ Abara̧ ju̧i̧. Ja̧di ta̧rëri̧ yo̧mȩrȩ ma̧ȩ yürürëremȩdejȩ: —Danȩ, a̧dë baävä na̧ chiri oa —yo̧a̧dejȩ—. Ado mȩadi ja̧ji̧ri̧ pio ji̧ri̧bo a̧dë baäjȩrȩ. Ado na̧ ama̧i̧ ja̧ bë pio ju̧i̧bo a̧dë baävä. Jabechji̧ cüdë mȩa na̧rȩpea̧ chiriräpȩ baätä earequedemȩ.

Ja̧dëa ji̧ Abara̧ judi Ara̧ quȩmȩ bë ma̧ri̧ri judiri go̧dürëremȩde Ütë tjamo̧ ja̧ ma̧ȩrä. Aja̧, 75 ui goamȩrȩ go̧dürëremȩde Canaa̧ quȩmȩ chiriräpȩ baäpamȩrȩ.

Ado ja̧dëa ji̧ Jeova judi na̧rȩmȩrȩ ma̧ȩ yürürëremȩdejȩ Abara̧ ju̧i̧, ja̧di ta̧rëri̧ yo̧mȩrȩ: —Danȩ, pio yoa chiri oa yürüparequedejȩrȩ na̧ea̧ri ja̧ji̧ri̧ pio ji̧ri̧ —yo̧mȩrȩ ma̧ȩ yürürëremȩdejȩ Abara̧ ju̧i̧. Ja̧dëa̧ ji̧ pio ju̧i̧ ta̧rë ëte, Abara̧ judi japeno̧rëremȩdejȩ gu̧na̧rea̧ mechja oa goe gu̧rori̧ cäë yürüpea̧ oa. ‘Jabechji̧ pio coa na̧rȩa̧mȩ pio ju̧i̧ yürütäremȩcuni̧da’ quëna̧ jo̧rȩtamȩrȩ jëdano̧rëremȩdejȩ chjadëri̧ yürüpea̧ oa.