Popular Bible Verses from Go̧dürea̧ Ma̧ȩ 31

શેર કરો

"Danȩ, Bechare quȩmȩ pio ju̧i̧ mitëa̧reconȩ, Juda pio judiri ja̧mȩ oa. Dëbëdiärea̧ jo̧ pio ju̧i̧ japapea̧ oa mitëa̧reconȩ. Uri quȩmȩ joja pio ju̧i̧, Uru quȩmȩ jojada pio ju̧i̧ mitëa̧reconȩ. Ca̧ Tjo pio ju̧i̧ yürüa̧reconȩ jȩa chjadëri̧ a̧dopea̧ oa. A̧dë chjäte dabapea̧ oa, dami̧ti̧ oa chjacjiamȩri̧ ja̧bepapea̧ oa yürüa̧reconȩ ca̧ Tjo pio ju̧i̧. Oro chjipararira̧ chjacjiamȩri̧ ja̧bepapea̧ oa, parata chjipararira̧ chjacjiamȩri̧ ja̧bepapea̧ oa dabarea̧ yürüa̧reconȩ. Boro̧che quȩmȩ chjipararira̧ chjacjiamȩri̧ ja̧bepapea̧ oa peaja̧di dabarea̧ yürüa̧reconȩ. Ta̧dë ba chiati̧ oa chjadëri̧ jëdano̧pea̧ oa, to oa chjadëri̧ chjoropea̧ oa, dami̧ti̧ oa coëma cjiari̧ ja̧bepapea̧ oa dabarea̧ yürüa̧reconȩ.

"Aja̧, pio mȩnȩ yo̧tä earequedemȩ icharaita pio ji̧ri̧iäpȩmo̧. Ja̧di ta̧rëri̧ yo̧tä earequedemȩ. 'Danȩrȩ, cjiadiärea̧ do üdë järätä chjaparea̧ dode. Ado cüdë pio jiro do oa china̧chjari̧ tutia̧ oaiä, 'Aja̧, ca̧ dodica̧da, china̧chjadida' quëna̧ jo̧rȩta̧ oaiä, jabechji̧ järätä chjapapea̧ dode bucho ana̧. Jabechji̧ pio jiro do üdë na̧rȩrea̧de. Na̧rȩdiibe cüdë dibë bucho ana̧ mitëa̧ pio ju̧i̧ chjiari, mȩnȩro̧ ca̧ pumȩpe bagapea̧ pio ju̧i̧ chjiari, cüdë dibë bucho ana̧ china̧chari̧ tutia̧ pio ju̧i̧ chjiari. Tjamo̧ davä. Pio ibë, ado dibëa̧ u̧ri̧ pio ji̧ri̧, ado dibëa̧ jadama̧i̧ pio ji̧ri̧, ado dibëa̧ jadama̧i̧ taru pio ji̧ri̧ chjadëri̧ na̧rȩdiibe pio ju̧i̧ chjiari.

Danȩrȩ, järätä chjaparea̧ do üdë bucho ana̧ na̧rȩdiibe pio jiro ma̧ȩ pio ju̧i̧ chjiari. Danȩrȩ, Jeova pio judirequede. Ado chjö̧na̧i̧ oa pareaparëremȩrequede 6 do nöta. Jabo cjiadiärea̧ doro pareapa ano̧a̧requede. Aja̧, cjiadiäa̧requede. Järätä chjapamȩmi̧ dari̧ cjiadiäa̧requede. Ja̧di tara cjiadiärea̧ doro järätä chjapapea̧de' yo̧tä earequedemȩ icharaita pio ji̧ri̧iäpȩmo̧." Aja̧, ja̧di ta̧rëri̧ yo̧mȩrȩ yo̧rëremȩdejȩ Moiche ju̧i̧ Ütë tjamo̧ judi.