Popular Bible Verses from Mathiyu 28

શેર કરો

Huna kaaŋ ka fay woŋ fooma e beŋ ka sikina biya bi ka siyani baŋ fooma bakarandeni bikiyaŋ, awa e beŋ bindɛ biye biye hu ka Masaala haŋ ka keŋ ku ka Fandaŋ woŋ, yando Hati Woŋ, mɛnɛ Yina wo ka Masaala woŋ. Awa e beŋ bindɛ thaninuwa ba niya bɛyiniŋ fooma ba thanki yaŋ bena niya yamari baŋ, awa yaŋ kɔŋ niyɔ iŋ beŋ lɔkɔiŋ fooma haaŋ ka mapeye ma ka lɔkɔ ba ka fai woŋ baŋ.”

Yisɔs thuriye bindɛ e ndɛ dɔma kɛnamɛŋ, na “Yaŋ thanki dunkuno sɛmbɛŋ fooma ba ka ariana mɛnɛ ba ka faido baŋ.

Maleka woŋ dome ka yɛrɛmɛŋ beŋ beŋ, na “Baŋ payɔ, yaŋ kɔthɛŋ ba dɔma na beŋ kɔŋ dethi ba Yisɔs wo koro ka kuyeŋ kubariŋande koŋ woŋ. Ndɛ ka dondo baŋ. Ndɛ ŋayino ka tuka haŋ nɔŋ na tepe nde nthɔŋ ndɛ na. Saaŋ hɛ dethi du ŋoye nɔŋ ndɛ do.

Kɛna dome Yisɔs kɛnamɛŋ, na “Baŋ payɔ. Kaaŋ e beŋ ka tepe mbɛndaŋ beŋ ba bindɛ kaa ka Kalili. Kɛna bindɛ yama ka kute.”

Awa kɛna dɔŋɔy bafodeni bibukuyuwɛ beŋ mɛnɛ bakalani bibayahɛŋ beŋ makutande ba dɛɛnka na bindɛ siseke niya. Naa thankaŋ bindɛ makutande maŋ, bindɛ fuŋuŋ kɔbiri wobɔyɛ e bindɛ niŋ dunkuna ka kurugbani beŋ. Bindɛ tepe kurugbani beŋ ba dɔma, na “Kaaŋ kaŋ tepe biya beŋ ba dɔma, na ‘Bakarandeni bi ka Yisɔs beŋ see tuwe kubeli koŋ huyɛ baŋ naa ŋɔyɛ miŋ ka nine.’ Awa mɛnɛ bakɛrɛŋ woŋ yuye huŋ, miŋ kɔŋ bena gbonkiyiyɛ wuyɔhɔy na sa beŋ kute kugbasaŋati.” Kurugbani beŋ bohe kɔbiri woŋ e bindɛ niya nɔŋ na thanki bindɛ nunkunoko na. Awa kuna koŋ koŋ baŋ gbanthande fooma ka biYusu beŋ. There ka lɔkɔ babɛina haaŋ ka lɔkɔ ba yaŋ gbale baŋ.