KHURULA 2 માંથી લોકપ્રિય બાઇબલ વચનો

શેર કરો

Nyasaye yahulila khulila khwavo, niyitsushitsa lilakano lia yali niyakhola na Aburahamu, Isaka nende Yakobo. Nyasaye yaheenzeshitsa Vaisraeli, namanya liiva liavo khuli vanyakhananga mu vurukwa.

Mihika minyishi nichiakhavira, Mwami wa Misri yakhutsa; navutswa Vaisraeli vatsililila khulila, nivali mu vurukwa vwavo, nivalila vakhonywi. Khulila khwavo khu khwenya khukhonywa khwatukha khu Nyasaye.

Mihika mitititi nichiakhavira, mwana yahindila, namuhila khu mwana wi shikhana wu Mwami wa Misri, wamuvukula khuli mwana wewe wi shiyayi. Yivoolela mu mwoyo kwekwe, “Namurulitsa mu matsi.” Khulwa yako, yamukulikha lira Musa.

Mwana wi shikhana wu Mwami wa Misri yamuvoolela, “Vukula mwana mutoro uyu undelele. Niitsa khukhurunga mirungu chiochio.”

Mwana wi shikhana wu Mwami wa Misri, yakholomokha mu muchela khutsia khwisinga, varumishi veve nivashichenda khundulu khu muchela. Yalola vwangu shikabu muliise liali niliayumba; naruma murukwa wewe wi shikhana khutsia khuvukula.

Litukhu lindi, lwa Musa yali niyahindila, yasimukha natsia khulola vandu veve Vahebrania, nalola khuli vakholanga muhinzilu kukhunikwa mulitoho. Musa yalola mundu Mumisri narumulanga Muhebrania, wali nali mulala khu vandu veve va yivulwamu. Musa yaheenza mu tsimbeka tsiosi, navutswa lwa yalola ndi mundu avulakhuho himbi umulolanga, yiira Mumisri mwenoyo, nafufula mmbili mu muyeeshe.