Popular Bible Verses from YOANƐ 1

શેર કરો

Gɛnɛ kɔ na mɛ ni, nɛ nde ombe wa kɔ̃a gɛnɛ a. Ma kɛ a hã wala hã wa na, wa hɔ benɔ 'da Gale, we kɛ wa kɔ̃a zu li a ni.

Kuti kɛ kurr na, Gale dɛ mɛnɔ ngɔ nù gɛ vɛ̃ ni, nɛ nde We nu a zɛ́ boe fai. Nɛ We ni zɛ́ fala nɛ kpo do Gale, a zɛ́ a Gale.

Sa fala ni sa kɔ tũ fala, nɛ tũ fala wè tɛ kele li nɛ gɔ.

We nu Gale hɔa wele, nɛ a ɔa sanga lɛ, nɛ lɛ zɔa dɔ̃lɔ̃ li 'da a. Mɛ a dɔ̃lɔ̃ li kɛ Baa a Gale hã hã a, kɛ a a kpo Be 'da a ni. Be ni do dia zã wena, nɛ a tɔ̃ zi gbãlã we ngɔ Baa a.

We ni dɛa mɛnɔ ngɔ nù gɛ vɛ̃ do ngawi 'da Gale. Fo mɔ kpo kɛ a dɛ̀ ma ngɔ nù gɛ gɔ ni bina. A zɛ́ a wi hã kpasi, nɛ kpasi ni zi a sa fala 'da owinɔ.

Fala nɛa we sa 'do nɛ, nɛ Yoanɛ zɔ Yezu tɛ tɛ 'da a nga, nɛ a tɔ̃ hã owinɔ na: “Nɛ zɔ́, Be Bata 'da Gale kɛ a fo sɛ ku'da 'dã mɛnɔ zu winɔ ni, a kɛ!

We nu Gale zɛ́ a dɛ ngɔ nù gɛ, nɛ mɛnɔ vɛ̃ ngɔ nùi gɛ ni, wi a a hã a dɛa ma do ngawi 'da Gale. Nɛ nde winɔ ngɔ nùi gɛ, wa ĩ̀ zi ti a gɔ. A tɛa ngɔ nù gɛ, nɛ a ɔa dɛ sanga winɔ 'da a ngboo, nɛ nde winɔ 'da a wa kɔ̃̀ zi gɛnɛ a gɔ.

Sa fala ni zi a ngbongbo sa fala kɛ ma tɛa zi dɛ ngɔ nù gɛ, nɛ ma sa ngɔ winɔ vɛ̃.

Gale hã zɛ́ mbula 'da a hã lɛ do wala 'da Mɔizɛ, nɛ Gale bia dia zã dɛ 'da lɛ do wala 'da Yezu Kristo, nɛ lɛ ĩ ti gbãlã we ngɔ Gale we duzu a.