Popular Bible Verses from YUHANI 15

શેર કરો

Pingi angguru-ka Nyungga, nyimi kahanga-nanggai. Na tau na ma-padaingu pa-pambulu dàngga Nyungga, tàka hi ku-padaingu Nyungga pa-pambulu dànya nyuna, napa natuu padangu wuana; nadu jàka nda Nyungga nda ana nggàra-a pawunda-mi.

Màtawa kai pa-daingu pa-pambulu dàngga Nyungga, ka ku-padaingui duku pa-pambulu dànggai nyimi. Nda na-ngalangu-a na kahanga patuu wikina wuana, hinggilu-na jàka na-padaingu la pingina. Tuna numbu nyimi, jàkai pa-daingu pa-pambulu daa-angga bàdi hina hii ngalangu patuu wuami.

Jàkai pa-daingu pa-pambulu dàngga Nyungga, hii pakàpa-ha la etimi da lii pa-pekangu-nggu, karai bia lai Ama jàka nggàra pambuha-mi; nawua-manggai-nya duna na pakarai-mi.

Nda nyimia mapindi-ka Nyungga, Nyungga mapindi-kai nyimi, hi ku-paràha-nggai palaku kai tuu padangu wuami – da wua manda molungu. Tàka i Ama hi nawua-nggai jàka nggàra biaya na pakarai wàminya na tamunggu lai Nyuna.

Na tau na mawua-ya na lurina lumuda da angu lànggina, jiaya duna na mambuha halawàla-nja da angu lànggina.

Nimbihu-da da kahanga lai Nyungga da manda tuu wuada, na-kàtahu-ha, tàka nimbihu-da da kahanga da matuu wuada, na parowa-nja da ruuda hi na pa-habola-ha, ka da-parukangu padangu da wuada.

Yiana-ya na hupu liinggu: màtawa kai maràngga pa-mbuhangu dàngga angumi, hama tuna Nyungga ba kumbuha-nggai nyimi.

Jàkai wua padangu, jia-duyaka na pa-mangunju wànya na Amanggu; tuna nuduka hi papanau langatàka-nggunggai.

Nahili panii i Yehu, “Nyungga jiaka na pingi angguru langatàka, tàka na Amanggu jiaya na mangu wokangu.

Na tau na manda pa-daingu pa-pambulu dàngga Nyungga, pa-wàrungu-ya napa hama tuna na kahanga, hi namàdu. Da kahanga da matuda nu pa-pauhingu-ha hi wàrunja la epi, hi tunuha.

Hi kupanii ndàba-nggaiha yiada, ka peku ninya na hawola-nggu Nyungga la etimi nyimi, hi na-lànyapu na hawola-mi.

Jàkai pahàra-nja da hupu liinggu, tuturu pa-daingu-dimi-nyaka nu la mbuha-nggunggai, hama tuna Nyungga ba pa-daingu tuturu-nggu duku la mbuha-nangga i Ama, rukuna ba ku-pahàra-nja da hupu liina.

Yiana-ya na hupu liinggu lai nyimi: Maràngga pa-mbuhangu-wa dàngga angumi,” wànanja.

Jàka mangu pinu tanakai làti, jiangu-ma nambuha-nggai pinu tana ba mangu-nanggai. Tàka mbàda pindi-nggunggaika welingu la pinu tana, hi nda mangu pinu tana-akaipa. Tuna nuduka hi na-karaü-nggai eti pinu tana.