Popular Bible Verses from 1 KORINITU 6

શેર કરો

Nyimi mipinya bàdi na tàda ihimi ba ngia pa-ngiangu-na na Ngahuna i Alaya. Na Ngahu ma-ngiangu daa lai nyimi. Dàngu i Ala wikimaka na ma-wuangu-ya na Ngahu nuna lai nyimi. Na wikimi nyimi nda mangu wiki-aminya, nuna manguna i Alaya duna. I Ala nakei-makaika nyimi dàngu mbàda mbayaru panjàpu-mana-nyaka. Jiaduya nu, wànyawa na taumi ka peku wotu wànya i Ala.

Mipinya dimi, da tau da manda patundu-nya na pambuha-na i Ala, napa ba nda angu kabungguru-na i Ala-aha? Àmbu na-panyonga-kai! Da tau da matuu ma-kajari, da ma-lumungu marapu, da ma-njuraku, da ma-payorangu la hamada, da ma-manganga, da mamanganga eti, da ma-maüku, na ma-mbuhangu papulu pa-marihaku-ya na anguna, dàngu na ma-kapidihu-ya na anguna – mbuu ndàbada da tau tungu nu napa nda peku-ana la paangunya na kabungguru-na i Ala.

Maraunja da pawunda - pawunda da ma-kajari. Nadu mbuu ndàbada da njala hawiangu-ka pawunda la hambeli tàda ihinanya. Tàka na tau na matu ma-kajari, tungu-nanya manjala la tàda ihi wikina.

Ningu mapanii nimbihu-na na tau pekuna la pawunda hàlaya jàka nggàraya, wàna. Tàka nyungga duku nda ningu hàla-a linguna wànggu. Jia jiapa ka napeku ndàba-kadu ba kuwunda-ya jàka nggàraya, tàka nyungga nda ku-pahiangu-a wikinggu ka na-kuaha-ka paraï ngga - nggàra.

I Ala na-paluri-yaka i Miri Yehu welingu la meti, tumbuna napa ba napalurita nyuta paraï kuaha-na.