Popular Bible Verses from 1 KORINITU 12

શેર કરો

Ndumana na pahàmu wànda nyuta mbuu ndàbanda, ba naràma la nimbihu tau na Ngahuna i Ala, namàra haàtu-manya.

Angu dedi, nyimi mbuu ndàbami tauna i Karitu ndàbakai, dàngu nyimi haàtu - haàtu anggota tauna i Karitu-kai.

Jàka na-mayila na hangia anggota-nda, maràngga mayila hàla-madanya; jàka wotunya na hangia anggota-nda, mbuu ndàbada da anggotanda hawiangu da-nggaüru-mai duda.

La haàtu, i Ngahu nawua-nya pamàka wàngu pa-kareuku pa-mahumbarungu. La haàtui i Ngahu nunamai na mawua-nya pamàka wàngu pa-palara-nya na rukuna i Ala. I Ngahu nunamai ba haàtu-na na mawua-nya na haàtu tau pamàka halawàla wàngu la pawaiya i Karitu; tàka na haàtu i Ngahu nunamai na mawua-nya kuaha la pa-pamàlaru tau. Na haàtu nawua-nya kuaha la pa-patumbu pa-hangàtarungu, tàka na haàtu nawua-nya kanyuru la papeka-ha da pa-pakaka-na i Ala. Na haàtui i Ngahu nawua-nya pamàka wàngu la papindiya nggiya na kanyuru na ma-pawelingu la Ngahuna i Ala dàngu hi nggiya na mandia. Ninya na pa-wuangu la pamàka pa-kareuku wàngu màtu - màtu hilu pa-hangàtarungu, dàngu hili ninyai na pa-wuangu pamàka wàngu la pa-palara-nja na ihida da hilu hangia - hangia.

Nudaka mbuu ndàbada paràma-na i Ngahu nunamai na ma-haàtu-na; haàtu - haàtu na tau nawua-nya kanyuru wikina tundunya na pa-patunggu-nanya paraïna i Ngahu.

Ba tunaka nu na taunda nda na-pakawàri - kawàringu-a; nimbihu-da da anggota-nda da-kawàra pa-manggangu dàngga anguda.

Màtu - màtu pa-wuangu welingu la Ngahuna i Ala, tàka na ma-wuangu-ha nu mbutada, jiaya i Ngahu numa na ma-haàtu-na. Màtu - màtu paràma la palumu-nya i Miri, tàka i Miri na pa-lumungu nu jiaya na Miri numa na ma-haàtu-na. Màtu - màtu ànda ba ràmaha da paràma-na i Miri, tàka na ma-paàtalu-ya paràma nimbihu-na na tau jiaya na Ala numa na ma-haàtu-na.

Tuna numbu daa la kabungguru, i Ala na-kawàra tu-manyaka pangia-na nduma matu - matu tau: Kawunga-na da pa-pahurungu; na padua wàda, da wunangu, na patailu wàda da ngguru, hàla nyuda da ma-patumbu - patumbu pa-hangàtarungu, hàla nyuda da pawuangu kanyuru la pa-pamàlaru tau, jàka ndia da ma-pandulangu la tau hawiangu, dàngu da ma-pairungu, jàka ndia da ma-kareuku wàngu hilu hangia - hangia pa-hangàtarungu.

Nadu na taunda nda hangia biana da anggota-na, tàka dadangu da anggota-na.

Tàka làti duna, da anggota la taunda da marihi lamanga ba wànda, tàka jiahaipa da pa-kalana halawàla-nda

Ngera hama tuna mbuu ndàbana na taunda ka mata juaya, nggikina wànaka na taunda ba narongu? Jàka ndiai, mbuu ndàbana na taunda ka kahilu juaya, nggikina wànaka na taunda ba nahangei? Itandanyaka i Ala ba natunja pangia-da nu da anggota la taunda. Hangia - hangia natu - tumanja pangia-da paraïna i Ala tundunya na pawuku-na Nyuna. Mbuu ndàbana jàka hau anggota-aya, ka nggiyaka na taunda ba wànda?