Popular Bible Verses from MARKUS 5

શેર કરો

Dara, Yesus adya gel genyek an, ”Nadya gelma o, anda nak dib senewanelemaʾ adya, wera hyak dibaʾ merewalem! Anda ganya daboka bimenekanya, or eikaʾ ululom!” hyok.

Dara anyaganara, gela hnon neik ek dangamookanya, gibnaʾ obadya lemok gel gek hnon ulumok. Wera ban gel genera, unulumoknya nenesa hwebnenokaʾ aboka, alja bonaʾ nidyaʾ hwenaʾ nang ek elegoka ulumok bok, alak ara hyak okoka hnon hwebnenggumek. Alda hwebnenyakaʾ aboka ulumna enyek, gel genyek an ulumok neiknaʾ era, sounuwoka nauba danggiga balamok.

Wera gel gera, wene sab-sab enyek, neik ek dangamokaʾ ara gobdo merewok. Dara gel genedyaʾ anaba, ”Nara an neiklamnaʾ anera, seleb gobdo mererowan,” senewok.

Wera Yesus adya gelma enedya soruka glib salawoka, ”Talita kum,” hyok. Nunja yub edya dara, ”Gelma enya o, nara anak buklom, hegen!” hyok.

Wera Yesus ara, anam yuba salamok sab-sab, Yairus bedyaʾ wa wel aran nang era yeiniboka, ”Neyung, anja gelma era seleb somogamlaʾ anasa, neksinya bek hnon lobaʾ nenenggom, mem,” hyek. Bok Yesus ara, nang danedya wenyal yabek yuba eiwaawom aboka, ”Yairus bek, lok ganya bonggom, mem. Anda dib senewanalamaʾ ok,” hyok.

Ban bisaʾ gologomoknya bera wenyal yabokaʾ ara, Yesus adya, ”Anda bisaʾ o, anda ban benyek anyeb, goboka yibilom!” men wenyal yabokaʾ anasa, an yub era lebok. Dara Yesus adya, ”Anda si ara heknya do?” aboka heibuk. Wenyek benedya dara, ”Nunda gong ulumab bok anasa, nadya si nera Legion,” hyok.