MATIUS 3 માંથી લોકપ્રિય બાઇબલ વચનો

Hang yen yemens dau meijen geicara dag yen yarges dau meijen sesar dag misen dou danahabi, kaba, dan demogun yen se duhu debin gin toues.

Doba yen youman deigeigouhw. Sug bohobei eigtou taiba Yesus en mougtohob, kaba, Allah enara dau bogaden naugb auma debin en dou lusud gedig len lesa sungga, endagai: Gini dan Indisi gedig dan indoc gororougb eni, anai en eic dan indoc esgiraha dou dan namcir.

Sug en ogun Yesus se duhuohob, kaba, Yesus eisa dedemeda dau duhu naugb en eihwedig lonog. Sug en edebeij lonogohob, kaba, en eiya, doba bogo ec dau. Hanoba en eiya Mena Gogoufu ohw dag bohobei dau bogaden aud en toua.

Dani, kaba, dan dogun yen se duhu ansins dag yen yesga meijen sesar dara yahau an dougwohob. Doba cum, kaba, sud hom deit en emaimo ucan dan aud yens. En moho agas medam edreg dau dan. Dangga dan indoho emedeinyum naugb sug dan demodo men hwigbeimos touwero. En gin, kaba, en emesa Mena Gogoufu dara smougb aud yen toues.

Dangga yen yera mera geigouhw ansins dag yen yesga dara yahau an dougwo meijen sesarohob. Anai Allah esedeb keita se sogo meiyo debohob. Gareg dau yen en emera mera geigouhwero, kaba, en eh en aninim dag en eh sogo gemera merero naugb en ec se smougb toua.

Dara sud hom gesai Allah moro sug nosa, en moho Yesaya, en og deb eisaugb Yohanes gin toua deb nosohob, endagai: Lona daiyamo, kaba, sud hom en emen aud yens naugb en emeijara an dou yen, emendagai: Yen yesedeb yenin meigdoc mes obosboro deb naugb Adehsud sug en en dau bogo, dauntoba en oiharaga yen ucugb. Aninim dag lusud lesa ucina obosboro naugb mougt mera medam sug en einesa aud len toua. Dangga sug Yohanes en edebeij se lomougwisa ginohob, kaba, en en dougwo len, endagai: Yen yesga meijen sesar moho asesa dou Allah. Dara yen yahau an dougwo namcir, anai Allah esedeb en medoc mes naugb sug en oiharaga yen ucugb.