Popular Bible Verses from PA'JARIANG 26

શેર કરો

Inakke lanjagaiko siagang lambarakkakiko. Sikontu anne daeraya laKupassareangi mae ri kau, siagang mae ri turungannu. LaKurupai janjingKu, ia le'baka Kupau mae ri Abraham manggenu.

LaKusareko ana'-cucu sanrapang bintoenga ri langi' jaina, siagang sikontu anne daeraya laKupassareangi mae ri ke'nanga. Sikontu bansaya ri lino lappala' ngasengi ri kau sollanna Kubarakkaki ke'nanga sangkamma le'ba'na Kubarakkaki turungannu. LaKubarakkaki ngasengko, lanri le'ba'namo mannuruki Abraham ri Nakke siagang nakatutui sikamma hukkungKu siagang parentaKu.”

Nampa a'lette' battu anjoreng, siagang angngekemi pole bungung makatallua. Anjo wattua tena na'jari pa'beserang. Lanri kammana, naaremmi Ishak anjo bungunga “Kabebasang”. Nakanamo, “Kamma-kamma anne Nasare maki' Batara kabebasang untu' ammantang ri anne pa'rasanganga, siagang akkulle maki' a'jari baji' tallasatta anrinni.”

Nagaukammi anjo kammaya, lanri le'ba'na Napappicinikang KalenNa Batara ri ia naNakana, “Teako a'lampai mange ri Mesir, mingka ammantang mako anrinni ri anne pa'rasanganga, situru' Kuparentakanga ri kau.

Nampa ambangummo Ishak se're tampa' pakkoro'bangngang untu' anynyomba ri Batara ri anjo tampaka. Akkemami anjoreng siagang sikamma surona, siagang angngekemi pole bungung maraeng.