Popular Bible Verses from PA'JARIANG 18

શેર કરો

Maka niakka apa tantamaya ri akkala' untu' Batara? Sangkamma Kupakkanaya sumpaeng, salapang bulang sallang labattua' pole mae anrinni. Na anjo wattua lamana'mi Sara sitau ana' bura'ne.”

Lanri kammana minjo nammakkala'mo Sara lalang ri pa'mai'na na nakana, “Maka inakke anne tau toa kammaya siagang kalumeng kammaya, lakkulle ija sikatinroang siagang bura'nengku? Nampa pole bura'nengku toa tommi.”

Sai turunganna la'jari bansa lompoi siagang lakoasai? Sai lanri ia nalaKubarakkaki sikontu bansaya ri lino?

A'reppese'mi Abraham mae ri Batara nampa akkuta'nang angkana, “Maka kammatojengi angkanaya eroki Kipanraki tau tenaya salana assama-sama siagang tau salaya? Ebara' angkana nia' limampulo tau tena salana lalang ri anjo kotaya, maka tena taKipanrakina anjo kotaya Karaeng? Maka takkulleai Kipammopporang sollanna akkulle salama' anjo tau limampuloa?

Nakanamo Batara, “Ebara' angkana nia' limampulo tau tenaya salana ri kota Sodom, laKupammopporang ngasengi sikontu bonena anjo kotaya, lanri ke'nanga anjo limampuloa tau.”