KALAPPASSANG 20 માંથી લોકપ્રિય બાઇબલ વચનો

શેર કરો

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata. Teako anynyombai mae ri rewata-rewata maraeng. Inakke bawang musti nusomba.

Teako papparekkangi kalennu patung sanrapanga apa-apa niaka ri langi', ri butta, yareka lalang ri je'ne' irawanganna buttaya. Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

Pakala'biriki manggenu siagang amma'nu, sollanna salewangang tallasa'nu siagang la'bu umuru'nu ri pa'rasangang Kupassareanga mae ri kau.

Pakalompoi Allo Pammari-marianga siagang pakala'biriki anjo alloa a'jari allo matangkasa'.

Teako tappu bawang-bawangngi arengKu, saba' iNakke, Karaeng Allata'alanu, anghukkungi manna pole inai ampake salayai arengKu.

Kusareko annangallo untu' anjama, mingka allo makatujua iamintu allo pammari-mariang ia nisa'laka untu' iNakke. Anjo alloa manna sitau takkulleai anjama, baji' naikau, kammayatompa ana'-ana'nu, ata-atannu, olo'-olo'nu yareka tau annompanga lalang ri pa'rasangannu.

Teako kacinnai barang-baranna parannu rupatau, kammaya: balla'na, bainenna, ata-atanna, olo'-olo'na, keledaina, yareka apa-apa mamo baranna parannu tau.”

Teako assarei kasa'biang takontutojeng mae ri parannu tau.

Teako a'gau' salimaraki.

Teako ammunoi.

Teako a'lukkakki.