Popular Bible Verses from KAJADIAN 6

શેર કરો

Ia nompele-pele'mo na nombau aha ka' nompojoong aha i dunia. Ia talalomo hondo nompele-pele'

Tinoa nu Tumpu ma'idek hondo na kalakuan nu to mia-mian i dunia; iwi-iwi' na pikilan nu aha aijo' saja' ma'idek.

Panyo i Nuh na nomposanang ahi' kinyonyoa nu Tumpu.

Aiya na sisikon mongkona i Nuh. Ia kino anak mo'ane aha totolu', aitumo, i Sem, i Ham, ka i Yafet. I Nuh madi' nombau kasala'an ka' ola sa'a-sa'angu'nyomo ia na mian anu ma'ima' na kinyonyoanyo tempo'nyo aitu. Kantumuu'annyo mompaha kona hondo tiba Tumpu Allah.

sahingga notataemo, “Ku silakaimo na manusia anu binaung-Kumo aijo', ka' suele iwi-iwi' na to tomo-tomonsi' ka' to bina-binatang sangga'at, kalana Aku nompele-pele'mo na nompotimbali aha.”

Salatan manusia nompaka panjoo'mo, ka' sinongkomo i songko-songko na dunia, ka' to anak-anak boune i hampe'akonmo, to mala-malaekat nontoamo langkoyang haha aijo' to handa-handa. Lantas aha nongosoaimo langkoyang haha aijo' iya na anu nuka'ima'i nu aha. Sahingga notataemo na Tumpu, “Aku madi'mo situju manusia tumuu' sampe toka sidu-sidutu'; aha anu ko nyawanyo madi'mo tumuu' sampe toka sidu-sidutu', aha tionyo ahi' silaka. Otampu'uni uuka aiya umun nu aha madi'mo molabii 120 na taun.” Tempo'nyo aitu, ka' mule' ilapas na aijo' daagi' ko to mia-mian anu daka' hondo na butongnyo i dunia. Aha lee' nu to lalangkoyang nu manusia anu no'osoamo tiba to mala-malaekat. To mia-mian anu daka' hondo na butongnyo aijo' to babaani hondo ka' mian haha aijo' talasanggo hondo tempo'nyo naipuan mae.

Binaumo i Nuh iwi-iwi' apaa na anu pinalentahkonmo nu Tumpu Allah hi ia.

Lantas Tumpu Allah notataemo hi Nuh, “Aku nontantukanmo da omingkotimo na kantumuu'an nu iwi-iwi' apaa na anu ko nyawanyo. Aku mohopu'imo aha tiba dunia, kalana dunia nobuke'mo nu ka uwesanan nu aha.

Pombaumo kapan sa'angu' na beleyum, kau' anu mokuut na obau; opaha baui salipi'nyo i unonyo, ka' olapisi nu ter na unonnyo ka' sambiha'nyo.

Tumpu Allah nontoa dunia aijo' me saja' nontoa anu toto ide-idek, kalana manusia iwi-iwi' na'idekmo na kantumuu'annyo.

Posoop i uno nu kapan aijo', sa'angu' na lakinyo ka' sa'angu' na behenyo toto sangahan na tomonsi' ka' to bina-binatang sangga'at, da aha madi' suele osilakai hingga-hinggat.