Popular Bible Verses from Varoma 3

શેર કરો

Votshe va onhile, va tsivetwe kasiku va si woni kuphatima ka Txizimu. Na va si nga ni fanelo, va ningwa kululama ngu mtamo wa kateko ya txona Txizimu txi nga va tirula ngu Kristu Jesu

Ti to kululama ka Txizimu ku ka vale va kholwako ka Jesu Kristu. Txizimu txi maha toneto ka vale va kholwako, nguko kha ku nga ho kuhambana hagari ka vathu.

awu txona txi nga m'sikela ti to a na va i di mhamba ya kudihela sionho ngu mnoha wakwe, ka wule a kholwako kwakwe; Txizimu txi mahile tiya kasiku kombisa kululama ka txona ngu kuva txi di divalete sionho si si nga mahwa kale, txi mana kukombisa wunene wa txona ka mbimo ya konkuwa; kasiku txi va Txizimu txi txi nga lulama ni kuninga wululami ka wu a kholwako ka Jesu.

Ngu koneho kha ku nga ni wammweyo a no manwa a di lulamile masoni ka txona ngu mithumo ya mlayo, nguko mlayo wu ninga kuziva txionho dwe.

nga ti ku nga bhalwa, va txi kha vona: “Kha ku nga ni wo lulama, hambi ni wammweyo. Kha ku nga ni wu a ku ni mapimo, kha ku nga ni wu a lavako Txizimu. Votshe va hambukile, votshe va mahile manyala; kha ku nga ni wu a mahako to lulama, hambi ni wammweyo!

Ngu toneto, hi pimisa ti to m'thu a mahwa mlulami ngu likholo, i si nga ngu mithumo ya mlayo.

Lambi! Txizimu txi fanete kumaneka i di txa ditshuri, hambi votshe vathu ve maneka i di va makuhu, nga hawa ku nga bhalwa, va txi kha vona: “U fanete kuziwa ti to u lulamile ka mapswi ako, ni kumaneka u si nga ni mnandu, mbimo yi u no yiswa kulamulwani.”