Popular Bible Verses from Matta 28

શેર કરો

Iwa ruḥeṯ ɣar yiwḏan n marra ȓegnus, arrem-ṯen ḏ imeḥḍaren inu. Ṭehharem-ṯen s waman s yisem n Baba ḏ Mmis ḏ Arruḥ iqeddsen. Sȓemḏem-asen aḏ ggen marra minzi kenniw weṣṣiɣ. Aqa nec akiḏwem iȓiɣ ȓebda aȓ ɣa ifna zman!"

Iqarreb-d ɣarsen Ƹisa, issiweȓ akiḏsen inna-asen: "Ṯemmuc-ayi marra ssulṭa ḏeg ujenna ḏ ṯmurṯ.

Ṯendeq-d lmalaʼika nni ṯenna-asent i ṯemɣarin: "War teggwḏent ca, nec ssneɣ belli ṯrezzunt x Ƹisa itwaṣellben. Netta war ḏa iǧi ca, ikkar-d zi ȓmewṯ ƹlaḥsab mammec inna zi qbeȓ. Araḥent-id aḏ teẓrent amcan nni mani tuɣa iǧa.

Ȓexddenni inna-asent Ƹisa: "War teggwḏent ca. Ruḥent siwḍent ȓexbar inint i ayṯma: Ruḥeṯ ɣar ṯmurṯ n Ljalil ḏinni iy ḏayi ɣa ṯeẓrem."

Munen arruyas nni n ȓfuqaha ak imeqqranen n Ayṯ-Israʼil. Wami mcawaren jarasen, ucin-asen ijjen n lƹadad n tmenyaṯ i ȓƹaskar nni. Nnan-asen i ȓƹaskar: "Aḏ tinim i yiwḏan qa usin-d imeḥḍaren nnes s ǧiȓeṯ, ysin ddat nnes wami tuɣa neccin neṭṭeṣ. U meȓa yarra-d lḥakem ȓexbar, a nemsefham akiḏes akenniw nesbeƹƹeḏ x lmuckila-ya." Kkaren ysin tmenyaṯ nni ȓƹaskar, ggin ƹlaḥsab mammec ṯen weṣṣan. Amenni intacar wawaȓ jar Ayṯ-Israʼil ɣar ȓexxu.