Popular Bible Verses from Matta 26

શેર કરો

Iȓim ƹlabal ẓẓaǧem ḥima war tiḏfem ca ḏi ȓemḥayen. Uȓ n bnaḏem iwjeḏ walakin ddat nnes ṯeḍƹef."

Inna-asen: "Ȓaƹmar inu ƹȓayen aḏ idduqqez s lḥuzen. Qqimem ḏa ṯfaqem akiḏi."

Ibeƹƹeḏ xasen cwayt, isejjeḏ ɣar ṯmurṯ ibḏa itettar i Arebbi inna: "A Baba, meȓa mumkin sbeƹƹeḏ-iṯ xafi ȓkas-a n ȓaƹḏab. Maci mamc xseɣ nec; Lla, mamc ixes ȓxaḍar nnec cek."

Ȓkas-a ḏayes iḏammen n ȓƹaheḏ, iƹni ḏ iḏammen inu iy ɣa yazzȓen ƹlaḥsab aṭṭas n yiwḏan ḥima aḏasen iɣfar Arebbi ȓmuƹṣiyaṯ nsen.

Wami ƹaḏ tetten, iysi-d aɣrum icekkar Arebbi irza aɣrum nni yuca-asen-ṯ i imeḥḍaren nnes inna-asen: "Ysim-ṯ ccem-ṯ, wa ig iǧan ḏ ddat inu."

Iysi-d ȓkas icekkar Arebbi yuca-asen-ṯ. Inna-asen: "Swem zzayes marra iḏwem.

Iḏweȓ ɣar imeḥḍaren-a yufi-ṯen ṭṭṣen, inna-as i Buṭrus: "Ma war ṯzemmarem ca akiḏi ṯfaqem waxxa ḏ ijjen n ṯsaƹƹat waha?

Aqa qqareɣ-awem: Zi ssa aȓ ṯsawent war sesseɣ ca zeg waman-a n uḍiȓ ḥetta aȓ Nhar nni iy ṯen ɣa sweɣ akiḏwem zi jḏiḏ ḏi ȓmulk n Baba."

Ḏinni ifekkar-d Buṭrus awaȓ nni n Ƹisa wami ḏas inna: Qbeȓ ma aḏ idden uyaziḍ ataf aḏayi ṯenkareḏ ṯȓaṯa n ṯwaȓaṯin." Iffeɣ ɣar barra iru imeṭṭawen ḏ imeǧaḥen aṭṭas.

Kkarem a nuyurem, qa wenni iy ḏayi ɣa izzenzen aqaṯ yusa-d."

Inna-as Ƹisa: "Arr ssif nnec ɣar umcan nnes, ȓaḥeqqac marra yinni ikessin ssif tmettan s ssif.