Matayo 6 માંથી લોકપ્રિય બાઇબલ વચનો

Mi konda adini mataya e, adini ta ole piri di be, i dre ngae niiki fezo o̱ei amidre.

Tandu nidise amiki togo ko’o ta kuku tai tudru diise ko: tai tudru diise ko’o tai kuku ai tandise. Takonji kitu alo dise kicoa kitu nadise.

Tandu nidise ma ta amidre, Amiki togo ko’o ta kuku amiki lidrise ko, ado nga ya mi koña, ado nga ya mi komvu; amiki togo ko’o ta kuku amiki rumvase ko indi ado bongo ya mi kaso. Amba lidri nga ñale di ruse ko ya? Amba rumva bongo di ruse ko ya?

Mi kongo Nzambe kandra di, mi koši ami jo adrelepi jona di lena, mi kase ami joti ka, mi kongo ami Ata adrelepi liaro didre, ami Ata tai vo adea liaro di nolepi di dre nga fezo amidre.

Tandu nidise mi kongo Nzambe kandra ngoro nitini: Amaki Ata buna di, A koba ami ru lolo. Ami mataya kali. A ko’o vudri ngoro mi dre lele di tini, i dre ole buna di tini.

Mi kofe amadre nga ñale di kitu nise.

Mi kotiza ami mari ama drekase, ngoro mundia adrelepi amaki mari be ama dre tizale di tini.

Mi kodri ama lizo vo dia litizo di lena ko, mi kopa ama teri konji anda drekase.

Mì dre diaki takonji tizale dise di, amiki Ata buna di kotiza amikia indi.

Mi ko no aria bu adea, aii riki ngakisia ko, aii loaki laña ko, aii lutu nga kerona ko; amiki Ata buna di dre nga fezo aiidre ñale. Amba amiki lagi we aiikia di ruse ko ya?

Mi kosu nga ru vudri amise ko, vo ambarapa dre nga ñazo di, kindri dre nga mbezo di, vo dia dre nga fuzo kuguzo di: mi kusu nga ru buna amise, vo ambarapa der nga ñazo di a ko, vo kindri dre nga mbezo di a ko, vo dia dre nga fuzo kuguzo di a ko: ami nga vo ni a mi dre lele di dre adrele dise ami togo kadre indi.

Dia alo kicoa adrele adremakandraro bwana iri diise teji ko: adi dre alo di lele ko dise, dre azina lezo di; adi dre trozo alo diru, dre azina voazo voavoa. Mi kicoa adrele adremakandra Nzambe adearo, adremakandra nga adearo indi ko.

Nzambe dre mbi amvona adrelepi andru tudru a ba furuna di asozo ngase nitini di, amba tai nidi i dre bongo fele amidre asole di ruse ko ya, A ami ta ka’ile ca di be?

Mi ko’o tai kinikini di, mi ko’o ami dreka liji dre di nile ko ado tai ya ami dreka drigulese dre ole di: ami tai kinikini di kadrero liaro: amiki Ata tai vo adea liaro di nolepi di kofe nga amidre.

Mi kolama ta ngale mi ko’oro amiki ta ole piri di mundia mise aii konoro: kadre nitini nga amiki Ata buna di dreka amise yokodo.

Tai azi be, mi koga nga ñale di re di, mi kadre ngoro dia togo iri dii tini mibale tizaro di be ko, aii dreki aiiki mibale ole adrele tani mundia mise ko dise, mundia konoro aii adre nga ñale ga re. Ma ta amidre pati, Aii doki aiiki nga dre. Mi, mi koga nga ñale di re di, mi koli ami dri dose, mi dre ami mibale jizo. Mundia konoro mi adre nga ñale di ga re ko, ami Ata adrelepi liaro di konoro: ami Ata tai vo adea liaro di nolepi di kofe nga midre.