VHAROMA 8 માંથી લોકપ્રિય બાઇબલ વચનો

શેર કરો

Ri a zwi ḓivha uri vha funaho Mudzimu – vhenevho vhe a vha vhidza nga he a dzula o dzudzanya – avho zwoṱhe zwine vha ṱangana nazwo zwi vha ḓisela tshivhuya

Zwenezwo ndo fulufhela uri hu lufu, hu vhutshilo, hu vharuṅwa, hu mivhuso i re ṱaḓulu, hu zwa zwino, hu zwa tshifhinga tshi ḓaho, hu mimuya ya maanḓa, hu zwa ṱaḓulu, hu zwa fhasi, hu tshiṅwe tshisikwa-vho – a tshiho tshine tsha nga ri fhandekanya na lufuno lwa Mudzimu lwe a ri itela nga Khristo Yesu Muṋe washu.

Nga nḓila yeneyo Muya u ri ṱhaḓula kha u shaya nungo hashu. Riṋe a ri ḓivhi u rabela nga nḓila yo fanelaho. Hone Muya Ene muṋe u tou fhihamelwa a tshi swikisedza zwine maipfi ashu a kundwa u bula.

Zwino ri nga dovha ra ri mini? Arali Mudzimu a tshi ima na riṋe, ane a nga kha ḓi ri pikisa ndi nnyi?

Zwino-ha vha re vhathihi na Khristo Yesu a vha tsha laṱwa.

U livhisa mbilu kha zwa tsiko ya muthu hu isa lufuni; u livhisa mbilu kha zwa Muya hu ḓisa vhutshilo na mulalo.

Naho zwo ralo hezwo zwoṱhe ro zwi kunda tshoṱhe nga we a ri funa.

Nṋe ndi vhona uri u tambula ha tshifhinga tshino hu nga si vhuye ha vhambedzwa na vhugala vhune ra ḓo dzumbululelwa.

Ndi nnyi-ha ane a nga ri fhandekanya na lufuno lwa Khristo? Kani a nga vha vhuleme, kana u tambula, kana u tovholwa, kana nḓala, kana tsiku, kana khombo, kana pfumo naa?

Mudzimu Ene ane a sedzesa zwi re mbiluni dza vhathu u ḓivha zwine Muya a amba; ngauri a tshi humbelela vhakhethwa vha Mudzimu u tevhedza zwine Mudzimu a funa.

Vhane vha endedzwa nga Muya wa Mudzimu ndi vhone vhana vha Mudzimu.

Ndi uri vha no langwa nga tsiko yavho vha dzula vha tshi ṱoḓa zwa yeneyo tsiko; vha no langwa nga Muya vha dzula vha tshi ṱoḓa zwa Muya.

Ene we a si tshivhe na Murwa wawe muthihi fhedzi, a tou mu kovha a tshi ri a fele roṱhe; a tshi ri ṋea Murwa wawe ndi zwine a nga kundwa ngani u ri ṋea zwoṱhe-zwoṱhe naa?

Ngauralo Muya wa Mudzimu Ene muṋe u ḓadzisa vhuṱanzi ha mbilu dzashu ha uri ri vhana vha Mudzimu. Huno arali ri vhana, ri maḽaifa; ri maḽaifa a Mudzimu vhane ifa ra ḽa roṱhe na Khristo. Arali ri tshi tambula ra nga Ene, ri ḓo ṋewa-vho vhugala nae.

U livhisa mbilu kha zwa tsiko yau ndi u vha swina ḽa Mudzimu, ngauri vha u ralo a vha tendi u vhusiwa nga Mulayo wa Mudzimu; na u kona a vha koni.

Zwisikwa zwoṱhe zwo lavhelela zwa musi Mudzimu a tshi ḓo dzumbulula vhana vhawe.

Ri a zwi ḓivha uri tsiko yoṱhe u swika zwino i kha ḓi gomela, ya songololwa sa tshikole tshi tshi vhofholowa.