VHAROMA 14 માંથી લોકપ્રિય બાઇબલ વચનો

શેર કરો

ngauri muvhuso wa Mudzimu a si mafhungo a u ḽa na u nwa, hai, ndi a vhuvhuya, na a mulalo, na a dakalo zwi bvaho kha Muya Mukhethwa. Ane a shumela Khristo nga u ralo, Mudzimu u a mu takalela, na vhathu vha a mu hulisa.

Ri tshi tshila ri tshilela Muṋe washu, naho ri tshi fa ri fela Muṋe washu. Ndi zwone hu musi ri tshi tshila, hu musi ri tshi fa, ri vha Muṋe washu.

Zwino-ha kha ri vhe vha ṱoḓaho zwi ḓisaho mulalo na u fhaṱa.

Zwino-ha kha ri litshe u sumbana nga minwe; ndi khwiṋe u vhofha ḽa uri ri songo wedzana khomboni kana u dzhenisana vhutshinyini.

A thi ri ho ṅwalwa ha pfi, “ ‘Ndi ana nga vhutshilo hanga,’ hu tshi amba Muṋe washu, ‘vhathu vhoṱhe vha ḓo nnduvha; vhoṱhe vha ḓo bula vha ri ndi Mudzimu.’ ” Zwenezwo-ha muṅwe na muṅwe washu u ḓo ḓifhindulela phanḓa ha Mudzimu.

A re na valuvalu kha lutendo ni mu ṱanganedze-vho, tenda na si mu ṱaṱise khani nga zwine a humbula.

Iwe u nnyi une wa vhea mulandu mulanda wa muṅwe? A nakisa u koniswa nga Muṋe wawe; zwi ḓi nga a kundwa, zwi vhonwa nga Muṋe wawe. Hone u ḓo nakisa, ngauri Muṋe wawe u na maanḓa a u mu konisa.