Popular Bible Verses from Secunnu Matteu 26

શેર કરો

Vigilati, e prigati, ca nun trasissivu in tentazioni. Lu spiritu veramenti è prontu, ma la carni è debuli.

Allura cci dissi: La me anima è afflitta nsinu a la morti: ristativi ccà, e vigghiati cu mia.

E avanzannusi tanticchia, si jittau facci pri terra, prigannu, e dicennu: Patri miu, si è possibili, si livassi d’ avanti a mia stu calici; ma però no comu vogghiu iu, ma comu voi tu.

Giacchì chistu è lu sangu miu di lu novu tistamentu, lu quali sarrà spargiutu pri genti assai in rimissioni di li piccati.

E mentri iddi cenavanu, Gesù pigghiau lu pani, lu binidiciu, e lu rumpiu, e lu detti a li soi discipuli, e dissi: Pigghiati, e manciati: chistu è lu me corpu.

E pigghiannu lu calici, rinniu grazii: e cci lu detti, dicennu: Viviti di chistu tutti.

E jiu unni li soi discipuli, e li truvau durmennu, e dici a Petru: Accussì nun putistivu vigghiari cu mia un’ ura?

Ora iu vi dicu, ca nun vivirrò da ora ’n poi di stu fruttu di la viti, sinu a ddu jornu, ca lu vivirrò novu cu vuautri ntra lu regnu di lu Patri miu.

E Petru si rigurdau di li palori di Gesù, ca dissi: Prima ca lu gaddu cantassi, mi nighirrai tri voti. E nisciutu fora chianciu amaramenti.

Susitivi, jamuninni: eccu ca s’ avvicina chiddu, ca mi tradirrà.

Allura Gesù cci dissi: Rimetti la to spata ntra lu so locu. Giacchì tutti chiddi, chi darrannu di manu a la spata, murirrannu di spata.