Popular Bible Verses from Secunnu Matteu 19

શેર કરો

Ma Gesù guardannuli, cci dissi: Pri l’ omini chistu è impossibili: pri Diu però tuttu è possibili.

Nun sunnu dunca cchiù dui, ma una carni. Ora chiddu, chi Diu junciu, l’ omu nun lu spartissi.

Iddu rispusi, e cci dissi: Nun aviti liggiutu, ca cui fici in principiu l’ omu, li fici masculu e fimmina? e dissi: Pri chistu lassirrà l’ omu lu patri, e la matri, e starrà cu so mugghieri, e li dui sarrannu una carni sula.

Gesù però cci dissi: Lassati stari li picciriddi, e nun li mpiditi di veniri versu di mia: giacchì di chisti tali è lu regnu di li celi.

E tanti primi sarrannu ultimi, e tanti ultimi primi.

Ed ognunu, chi avrà abbannunata la casa, o li frati, o li soru, o lu patri, o la matri, o la mugghieri, o li figghi, o li tirreni pri amuri di lu nomu miu, ricivirrà centu pri unu, e possedirrà la vita eterna.

Gesù cci dissi: Si voi essiri perfettu, va, vinniti chiddu, chi hai, e dunalu a li poviri, ed avirrai un tesoru ’n celu: e veni appressu a mia.

Lu quali cci dissi: Pirchì mi dumanni di lu bonu? Unu è bonu, Diu. Perciò si voi arrivari a la vita, osserva li cumannamenti.

E di cchiù vi dicu, ca è cchiù facili, ca un gamiddu passassi pri un funnu d’ agugghia, ca un riccu trasissi ntra lu regnu di li celi.

Iu però vi dicu, ca cui ripudiirrà la sua mugghieri, eccettu pri casu di furnicazioni, e si nni pigghirrà un’ autra, cummetti adulteriu: e chiddu, chi si maritirrà cu la ripudiata, cummetti adulteriu.

Ma Gesù dissi a li soi discipuli: In virità vi dicu, ca lu riccu difficilmenti trasirrà ntra lu regnu di li celi.