Popular Bible Verses from YOANO 14

શેર કરો

Ndu sili ombembua, ndu wihi ombembua yange, ndeci ci ihaiha oluali hacoko ndu wihi. Ovitima viene ka vi ka tokotelue, ka vi ka kale lusumba.

Yesu wa popia laye hati, Ame ndinjila, haime ndicili, haime ndimuenyo. Lomue iya ku Isia, te lame.

Ovitima viene ka vi ka tokotelue, koleli Suku, ñolelivo ame.

Puãi Ñuatisi, haeye Espiritu Sandu, una Isia a tumila vonduko yange, eye u longisa ovina viosi, kuenda o wivaluisi ovina viosi nda popia lene.

U o kuete ovihandeleko viange kuenje o vi lava eye o sole, lu o sole ame eye o soliwe la Tate, kuenje ndu solavo, loku limolehisa kokuaye.

Kuenje ndi pinga ku Isia okuti o wihi Oñuatisi yikuavo yi kala ño-o hũ lene. Eye Espiritu liocili, oluali ka lu tẽla oku u tambula momo ka lu lete, ka lu wi. Ene puãi vu wi, momo wa tunga lene, kuenda o kala vokati kene.

Kuenje cosi vu pingila vonduko yange ndi ci linga, okuti Isia o muisua ulamba ku Mõla. Nda vu pingila cimue vonduko yange ndi ci linga.

Nda vu sole ame, pokoli kovihandeleko viange.

Vimbo lia Tate muli olonjo via lua. Nda hacoko, nda ndo ci sapuilili, momo ngenda oku vu angiliyila ocitumalo.

Kuenje eci ngenda oku vu angiliyila ocitumalo, njiya vali, ndu wupilili okuti oku ñasi, haiko vu kalavo.

Tomasi wo pula hati, A Ñala, oku wenda ka tu iko, oco onjila yaco tu yi kũlĩha ndati?