Popular Bible Verses from 2 Korinfianenge 4

શેર કરો

i ame duminasa na pal dová, so isyn bicialó, a pal dová, so nane bicialó; pal-dová so saró bicialó isyn pe naboro (krotko) časo, a nabicialo isyn viéčno.

Paldavá ame nijékhvar na perasa dro iló. Ne xoc' amaré masá javriestyr xasiakirena zor, to amaré-Duhoskiri andratuný paš so dyvés zoraljola. Pal-dová so amaré krótka i lokhé piridživibena janéna but-but baredýr viéčno sláva

amen tasavena saré rigéndyr, ne aménge nane ciasno (tango); ame kuninasape, ne ame na perasa Duhósa; amen tradéna, ne ame na sam bistyrde; amen vyčhurdena javrí, ne ame na xasjovasa.

A davá kučipén ame rikirasa dre ĥlejána (glinýtka) pirja, sob (kaj) te sykavas zorjakiro baripén, savó isyn Devléstyr, a na améndyr

pal-dová so lénde, napatiaibnaskirende, davá svetoskiro xohanó devloro štyliakirdia léngiri godý, sob (kaj) jone te na dykhén dud (svéto) i te na ĥaljon rosphenyben pal bahtalý zan (zvies') pal Xristososkiri jarko sláva, a Xristóso isyn Devléskiri patrín (óbrazo).

Adavá isyn Devél, Savó phendiá: “Te ziainel dud (svéto) ciamlypnastyr”, isyn dová-pac' Devél, Kon začhudia davá dud te ziainel dro amaró iló, sob (kaj) ame te ĥaljovas Devléskiri jarko sláva, saví ziainela Isusóstyr Xristosostyr.