Popular Bible Verses from Madius 13

શેર કરો

Aien et idivaig nobohtan upene aien, eris ahoaig nupsi itai iran, aien aigki et atahaijeg intas aien um ato; et oho aien, et eteuc nohoan et wun huntret iran tah ra, im sikste iran tah ra, im dirte iran tah ra.

Aien et idivaig nuarin eteuc nefelelicai has iran aien, eris ahoaig nupsi itai iran, aien aigki et atahaijeg intas aien; ja et atgei intas naktaktai niji itai an nobohtan ineigki, im inpadiaig efaifa, et um eti oho aien.

Et wat atahaijeg intas va nelcau o Atua tah, um eti ato, et um han natimi auatatimi, um atoraliak neig eris ahoaig anliinmopon. Aien aigki et idivaig nahaijin nefalaig aien, eris ahoaig nupsi itai iran.

Aien et idivaig nuarin eteuc nilpauhat iran aien, eris ahoaig nupsi itai iran, aien aigki et atahaijeg intas aien, um auroauro um leh, um imyiacitak; ja et eti eteuc nicvan tas iran, et eti elvamen aien yi itu iran: et wat aridjai nohocred im nedemda vai intas, et um auroauro aien um adumoij.

Im lep ineig, nelcau an nohatag et idivaig inpadiaig er adenaig an nobohtan; et wat ecetai tah, et lep adenaig aien, um imyiacitak, um apan, um ahtai niji itai asega o un, um auanimtan nobohtan iyehki.

Is um lep elel nahaijin an nobohtan upene, is um oho, is eteuc nohoan is wun huntret iran is ethi, im nohoan is sikste iran is ethi, im nohoan is dirte iran is ethi.

tup ude aijaua um imyihum pan naopan iyehki eri asjapicnaig nohoai itai: an naopan asjapicnaig nohoai itai ekpu ika ainyak ehele ilpu atimi asjapicnaig nohoan, Akumu upyi hup aijaua um ahre nefelelicai has, um aijis, um atnamud: jam asjapicnai hwiit anliin neom ikni itai unyak.