Popular Bible Verses from NSAN MARCO 7

શેર કરો

Ngueꞌa̱ de ja rá tsꞌomfeni ꞌna, ja bí ehni gatho nuya ya tsꞌotꞌøtꞌe: ra ntsꞌinga medintha̱ti, ra ntꞌeꞌbɛhña̱, ra nthote, ra mfe, ra tsꞌoncꞌatꞌi, ra ntsꞌoꞌmʉi, ra nthate, ra ntsꞌoꞌyo, ra ntsꞌante, ra ntꞌetsꞌi, ne núꞌʉ toꞌo ri hyøcua núꞌa̱ te pɛꞌtsa maꞌna, ne núꞌʉ hingui pa̱di ndaꞌa̱ ra hño ndaꞌa̱ ra ꞌñʉ. Gatho nuya ya tsꞌoqui bí ehe de yá tsꞌomfeni ya ja̱ꞌi, ne go guehya japi da ntsꞌoqui.

Nuꞌa̱ cʉtꞌa ja rá ne ra ja̱ꞌi hingo gueꞌa̱ japi da ntsꞌoqui, pe núꞌa̱ pøni de rá mfeni ha̱, go gueꞌa̱ japi da ntsꞌoqui.

Nuꞌbʉ́ ra Jesu bi da̱tuabiꞌʉ: ―Nuꞌahʉ gyá yohmihʉ. Ra ba̱di Isaía bi ma̱ de gueꞌahʉ mayaꞌbʉ gue Ajua̱ bi ꞌñena njaua: Nuna hninina̱ ri nsundagui hønsɛ dega noyatho, pe nuyá mfeni go bí ꞌyo yabʉ de gueque.

Nuꞌʉ́ xøcambenigui pe hinte ri muui yá søcambeni, nguetho nuꞌʉ yá hmanda ri mandaꞌʉ go yá hmandasɛ, ne ma̱ñꞌʉ gue go stá ꞌbɛpcaꞌʉ.

Xi majua̱ni ngu bi ma̱nga ra Isaía de gueꞌahʉ, ngueꞌa̱ nuꞌahʉ xcá tsocuahʉ yá hmanda Ajua̱ pa go grí dɛnbahʉ yá hmanda ndu ri xitahʉ. Nuꞌahʉ nuꞌa̱ ri ꞌbɛfihʉ, hønsɛ ra nsʉtꞌa ꞌbada ne maꞌra ya ntsi, y maꞌra ya tꞌøtꞌe de ra ntꞌaxqui.